EBENEZER 1 SAMUEL 7 : 12

1 Samuel 7 : 12

EBENEZER

Dung i dibuat si Samuel ma sada batu,

jala dipatindang di holangkolang ni Mispa dohot Sen,

jala dibahen goarna: Ebeneser, jala ninna do:

Rasirasa nuaeng diurupi Jahowa do hita.

Huria ni Tuhanta...

Hea do hami mendaki gunung sinabung thn 1998...

Sipata do mangaso, di tingki na mangaso i, tatapon ma tu naung binolus, tarida ma angka kobun sayur, alai ndang dope sidung pardalanan sahat tu punsu. Di na mangaso i ma pinatupa “evaluasi” (theol...mangarujiruji).

Huria ni Tuhanta...

Hira songon i do si Samuel na mamolus pardalanan. Alai pardalanan ni ibana, i ma manjagahon hasadaon ni bangso Israel ala sai muramura do bangso Israel on manomba gana-ganaan, huhut mampartahanhon Poti Parpadanan i. Sai holan na marporang do bangso Israel dohot halak Palististin. Molo talu bangso Israel, na manimbil ma halak i sian Jahowa. Alai molo hot do halak i marsomba tu Jahowa, sai na monang do bangso Israel di parporangan i, jala mulak muse poti parpadanan i.

Dung mulak sian parporangan, maradi/mangaso ma si Samuel dohot bangso i di holangholang ni huta na margoar Mispa dohot Sen. Di na mangaso i nasida, dibuat si Samuel ma sada batu jala dipatindang. Digoari ma i Ebeneser na marlapatan Rasirasa nuaeng, diurupi Jahowa do hita (sampai disini Tuhan menolong kita). Sasintongna lapatan ni Ebeneser i ma batu pangurupion. Di na mangaso i ma, Samuel dohot bangso i mamparhatopothon paboa na diramoti Debata do pardalanan ni ngolu nasida. Jala roha mauliate ni si Samuel, didok ibana ma Ebeneser.

Huria ni Tuhanta...

Ngolu on songon sada pardalanan do i (hidup ibarat sebuah perjalanan). Adong do tingkina di hita mangaso, mangarimangi pardalanan ni ngolunta on. Godang do angka na masa di ngolunta on, na boi pangkeonta tirngki mangaruji/mangarimangi ngolu on, isara: taon baru. Aha do naung tapatupa di bagasan na sataon bolon i. Na deba tingki marulang-tahun: tingki na lehet mangarajumi paboa partamba ni umur holan ala ni Jahowa. Jala sasintongna, ganup ari na imbaru na tabolus, disi do hita mangaruji langka2 nii ngolunta on. Nunga marguna hita nuaeng tu dongan na humaliang? Manang holan na sibahen jea do hita? Kita diajak untuk memahami makna perjalanan hidup kita masing-masing.

Di tingki2 na mangaso i, manang di partingkian na arga i, sasintongna, beha do pangkilalaanta? Adong do ra sian hita on, marhosa ganjang, huhut mandok di rohana: “nang pe tutu tahe mansai dokdok pardalanan ni ngolu on, alai tongtong dope diramoti Tuhan ngolungku”. Olo do sipata di na mardalan i, tarsulandit, tartuktuk, tinggang, jatuh-bangun, alai dipargogoi Debata do hita sahat tu sadari on. Ala ni i do angka dongan, sasintongna GANUP TINGKI DO HITA TAMA MANDOK EBENEZER, Tuhan masih menolong saya.

Alai nang pe songon i, ndang sidung dope pardalananta, holan sada tingki mangaso do on. Mangudut dope sidalanan, jala olo dope ra muse dumokdok taononta tu tingki na mangihut. Jalan di depan kita tidaklah mudah. Bagian terberat dan tersulit mungkin akan kita hadapi. Akibatnya, bisa jadi kita merasa cemas, kawatir, dan tidak menentu.

Molo mangaso hita, tatailihon tu pudi, marnida sude angka naung hea tabolus, niapus ma andora, huhut mandok mauliate tu Tuhan i, ala diramoti dope hita. Dung i, tinatap ma muse tu jolo, tu naso binoto dope aha muse na naeng masa, boi do nian ganggu roha. Alai, ringkot do botoonta angka dongan, molo tinailihon tu pudi, tinatap tu jolo, unang lupa manatap tu ginjang, pasahathon diri tu Tuhan i, asa diramoti hita di angka pardalanan ni ngolu on. Disi ma hita mangantusi hinaarga ni ngolu on. Mansai arga do hape ngolu on. Ada banyak pelajaran yang kita petik dari sana.

Ala ni ima, hidup bukan sekedar perjalanan saja. Perjalanan memerlukan tujuan yang jelas dan motivasi yang kuat. Disi do hilalaonta, di bagasan haporseaon, Allah selalu menolong kita menapaki setiap langkah hidup ini. Bahasa latin mandok: CARPE DIEM > manfaatkanlah waktu. Jangan sampai ada hidupmu yang sia-sia. Jangan sampai ada hari yang terlewatkan tanpa suka-cita. Tuhan masih menerbitkan matahari, Tuhan masih memberi waktu, Tuhan masih memberi umur, mari kita jalani hidup ini dengan panyertaan Tuhan saja, ebenezer. Amen.