1
Petrus 2 : 21 – 25
2:21 Ai tusi do hamu tarjou, ai dohot do Kristus
manaon na porsuk humongkop hamu, tumadingkon tiruan di hamu, asa diihuthon hamu
bogas ni patna:
2:22 "Ndang adong dosa diula Ibana; ndang
jumpang angkal di bagasan pamanganna."
2:23 Ndang manginsahi Ibana, di na hona
insak, ndang mangasupi, di na manaon na porsuk; alai dipasahat do tu
Panguhum sitigor roha i.
2:24 Diporsan Ibana do dosanta di bagasan dagingna
tu hau i, asa malua hita sian dosa, gabe mangolu di hatigoran i: "Hinorhon
ni bugangna i do gabe malum hamu."
2:25 Ai songon birubiru na lilu do hamu najolo;
alai nunga didompakkon hamu nuaeng Parmahan i, na manganahon tondimuna.
Huria
ni Tuhanta...
Nunga piga-iga hali nian dijamitahon, paboa
andorang so porsea hita di Kristus (so Kristen), tading do hita di bagasan
haholomon dohot hajahaton. Huaso ni dosa dope na mangarajai ngolunta, ulaonta,
parangenta, dohot sandok dirinta on.
Di luar Kristus, kita hanya akan menunggu kematian.
(Kematian yang tanpa keselamatan). Sian dia do antusan paboa mate do hita molo
so rap dohot Kristus? Ay. 25 >Ai songon birubiru na lilu do hamu najolo.
Huria ni Tuhanta...
Molo adong ditaringoti “biru-biru/domba”, tontu
ndang tarsirang i sian parmahan. Domba
tidak bisa terpisahkan dari gembala. Apabila
ia terpisah dari gembala dan kawanannya/kumpulannya, maka ia berada pada
situasi “bahaya”. Lilu ala mangihuthon lomo dohot hisap ni roha nang daging. Lilu na ndang unduk
tu parmahan na denggan i.
Tontu biru-biru na lilu, mura do i disoro
pangago (singa, serigala dna), ujungna mate, ala ndang adong gogo ni birubiru mangalo. Ala ni i ma
nangkin hudok, molo marsirang biru-biru sian Parmahan, tu hamatean nama jambarna.
Molo marsirang do hita sian Parmahan na denggan i, i ma Kristus, tontu holan
hadosaon nama ulaonta. Molo sai madabu tu dosa do jolma i, talpe ma i muse nang
tu hamatean. Ai naung mate do tondi ni jolma na sai mangulahon
dosa nang hajahaton. Boasa boi jolma mangulahon dosa? Ala marsirang Ibana sian
Tuhan Jesus, songon birubiru na marsirang sian parmahan.
Huria ni Tuhanta...
Mansai godang do dapot hita sijahaon sian Bibel i,
dalan pamurahon hita mangantusi ulaon “Parmahanion/Parmahan”. Lumobi di Psalmen
23, mansai marsitutu do parmahan i mangharingkothon dohot manarihon sude
haporluan ni biru-biru i. Pola do barani si Daud mandok “Jahowa do Siparmahan
ahu, ndang tagamon HURANGAN ahu (ndang tagamon HURANGAN).
Bahkan, sekali pun domba itu berjalan dalam lembah
kekelaman (atau bayang-bayang ancaman kematian), domba itu tidak takut bahaya,
sebab ia percaya kalau si Gembala menjaga dirinya. Jala
i do muse na pinasingkop ni Jesus di buku ni Johannes bindu 10:11 “Akulah
gembala yang baik. Gembala yang baik memberikan nyawanya bagi domba-dombanya”.
Sian naung tabege i, adong ma tolu na so boi tarsirang
sian ngolu ni parmahan:
1.
Roha na marpanarihon (Bah Ind: Gembala
harus memenuhi segala kebutuhan domba-dombanya: makanan dan minuman). Ala ni i
do didok: “Dipatongon do ahu tu jampalan angka na lomak, ditogutogu
do ahu di lambung aek hasonangan. Yesus sebagai Gembala, menyediakan segala yang
kita butuhkan, baik itu makanan dan minuman.
2.
Roha panghongkopon (Bah Ind: Gembala
rela mempertaruhkan nyawanya demi menyelamatkan domba-dombanya dari ancaman
binatang buas). “Akulah gembala yang baik. Gembala yang baik memberikan
nyawanya bagi domba-dombanya”.
3.
Roha haserepon (Bah Ind: kerendahan
hati). Molo tarsurat pe disi “tungkotmu dohot batahim”, ndang apala laho
mamungkuli angka dorbia i ulaon ni i, alai laho mangolat angka binatang
panggunturi do i. Nang pe sipata
dipangke do i tong mangantuk dorbia molo lalap, manang mandao sian punguanna.
Domu tu turpuk jamita 1 Petrus 2 : 21
– 25 on ma angka dongan, molo tongon taadopi sitaonon, aha do ulahonon:
1.
Benget ma di sitaonon. Nunga tibu
hian dihatahon Jesus tu angka siseanNa, paboa ganup na mangihuthon Jesus,
ingkon rade manuhuk silang. Nuaeng dihatahon si Petrus ma ayat 19: Ai i do asi ni roha, molo ditaon halak
arsak ni roha dohot pambahenan na so uhum, ala ingot ibana di Debata (ay. 19).
Ucapkanlah juga syukur apabila kamu
menderita di dalam iman, sebab Kristus juga turut merasakan beban hidupmu (ai
dohot do Kristus manaon na porsuk humongkop hamu – ay. 21). Habengeton, i ma
sada pangalaho na INGKON adong di diri ni angka na porsea, jala
satia/pos rohana, na urupan ni Debata do ibana.
2.
Tarjou
mangihuthon bogas ni pat-Na (ay. 21 akhir). Dipataridahon hata i
do, paboa jonok do parsaoran ni Kristus dohot siihuthon Ibana. Ndang dipasombu
hita mardalan, alai bogas ni patNa i do na ingkon sidalananta. Jala
dipataridahon hata i do muse, paboa asa unang hita manimbil tu siamun nang tu
hambirang, manang mangihut tu bogas na asing.
Antong, tugasta i ma: mamereng bogas ni pat-Na i.
Angka dia ma bogasNa i? (ay. 22-23)
1.
Ndang adong dosa diula Ibana. On ma na gabe sorminan
na parjolo di ngolunta. Dijamothon do tu hita asa unang be mangulahon dosa asa unang mate. Domu tusi, sai adong do angka na porsea mandok
“ai so boi dope malua iba sian dosa, jala gok dope hahuranganniba”.
Toho do angka dongan, sipardosa do hita
sude, alai pintu maaf selalu terbuka. Setiap orang yang mengaku dosanya dengan
sungguh-sungguh, maka tangan Yesus akan selalu memulihkannya. Untuk itu
dibutuhkan perjuangan iman, agar menghindari segala pekerjaan yang mengandung
dosa. Sebab orang yang berbuat dosa, itu sama saja dia sudah
salah jalan / sesat, seperti domba yang sesat.
2.
Ndang jumpang angkal di bagasan
pamanganNa. Naeng songon i hita saluhut, asa tulus
jala bulus ma mulaulaon, dipadao ma angkal dohot bisuk-bisuk na maralo tu Hata
ni Debata (ndang jumpang angkal di bagasan pamangan).
3.
Ndang manginsaki Ibana, di na hona insak. Naeng ma hita pasidingkon panginsakion molo
hona insakan hita, manang molo tung masa sitaonon di ngolunta. Rom. 12:17 mandok: “Unang baloshon hamu
na jat alo ni na jat; ringkoti hamu ma na denggan di jolo ni halak saluhutna”.
Ai molo dialo hamu hajahaton alo ni hajahaton, ndang adong imbarmu dohot
sipatupa hajahaton i, ninna Jesus.
4.
Ndang mangasupi di na manaon na porsuk
(tidak mengancam).
5.
Dipasahat do tu Panguhum sitigor roha
i. Songon i ma naeng jumpang di hita angka na porsea di Kristus, kalau saat ini
kita sedang bergumul oleh karena penderitaan, maka serahkanlah segalanya kepada
Tuhan agar Ia memberikan kekuatan untuk bertahan.
I ma tatiru: Gembala berjalan di depan, dan domba
mengikut di belakang. Kristus sebagai gembala yang baik, telah meninggalkan
teladan agar orang yang percaya memperoleh hidup, dan tidak lagi tersesat.
Hinorhon ni bugangNa i, gabe malum hamu. Malum: ndada holan marlapatan malua
sian parsahiton. Alai malua nang sian hamatean na manongtong i.
Tidak ada komentar:
Posting Komentar