I MUSA
50 : 15 – 21
50:15 Alai mabiar
do angka hahaanggi ni si Josep, dungmate
amanasida i, angka ninna nasida ma: Atek tung beha dihosom si Josep hita maon,
gabe dipasudol tu hita sude na roa, na itabahen i tu ibana.
50:16 Jadi martona ma nasida tu si Josep, ninna:
Hata ni amanta tu hami, tagan so mate dope ibana:
50:17 Songon on ma dok hamu tu si Josep: Sai
marpamuati ma roham di hajahaton ni hahaanggim dohot di dosanasida i, ai tung
na roa do na binahennasida i tu ho; on pe, sai marpamuati ma roham di hajahaton
ni angka naposo ni Debata ni amanta i! Alai tangis do anggo si Josep,
dung didok nasida songon i tu ibana.
50:18 Dung i laho dohot angka hahaanggina i,
marsinggang ma nasida tu jolona, angka ninna ma: Ida ma hami on, naposom ma hami.
50:19 Dung i ninna si Josep ma mandok nasida: Unang hamu mabiar, ai nda guru di
Debata do nang ahu?
50:20 Na jat do nian tutu tahi ni rohamuna dompak
ahu, alai na denggan do hapatean ni dibahen Debata, patupahon songon na
niidamuna sadari on, laho pangoluhon bangso na bolon.
50:21 On pe, unang
mabiar hamu, ahu ma marmuduhon hamu dohot anakkonmuna i. Dung i diapul ma
nasida pasabamhon rohanasida.
Huria ni
Tuhanta...
Berengonta ma turpuk na masa on sian dua horong /
sisi, manang “sudut-pandang” manang “paradigma”. Naparjolo ma i sian horong ni
si sampulu sada halak na patupa hajahaton tu si Josep. Napaduahon, sian horong
ni si Josep i sandiri.
Nuaengnaparjolo,
taauhon be ma jo turpuk on, manang tabahen ma jolo hita/dirinta sahalak sian
sisampulu sada na patupa hajahaton i. Molo niula hajahaton manang hasalaan,
tontu tubu do biar di bagasan roha (Peribahasa: Takut karena salah). Jala molo
mulak hita tu panompaon ni jolma na parjolo i, mansai mabiar do si Adam/Hawa
ala nunga marsala/mardosa, gabe martabuni.
Songon i ma nuaeng sisampulu sada na marhaha-anggi
on. Di tingki mangolu dope natorasnasida si Jakob, denggaan do nian parsaoran
nasida. Jala nunga mardenggan be nasida dohot si Josep. Alai, nuaeng dung
monding natoras nasida si Jakob (Pasca-peninggalan Jakob), gabe tubu do muse
biar ni roha nasida. So tung do muse diingot si Josep angka hajahaton ni hahana
i. Atik tung beha do “marpalensem” na saleleng on si Josep marningot ala
mangolu dope amongna? Sai i ma di bagasan roha ni sisampulu sada halak i.
Mardomu muse, si Josep, nunga mansai denggan ulaonna di harajaon Misir. Mate ma
hita, pamateon ni si Josep. Atek tung beha dihosom si Josep hita maon, gabe
dipasudol tu hita sude na roa, na itabahen i tu ibana.Sai diletei haliluna ma
nasida, gabe sai mabiar.
Nuaeng, beha ma jolma na sai di bagasan biar.
Napaduahon,
berengonta ma muse sian horong ni si Josep. Memang di mulana i, mansai hansit
do napinatupa ni angka hahana i. Dipamasuk tu liang sumur, dung i digadis tu partigatiga
halak Midian. Dung i diboan ma muse tu Misir, asa gadison muse tu si Potifar wakil
ni raja Firaun. Sahat di ujungna, gabe mamora huhut maduma ngoluna di harajaon
ni Misir. Ndang hapingkiran dalan ni Jahowa, na mangaloas masa parhansiton di
mulana, dung i mamuse dipasahat ma angka las ni roha. Molo so digadis si Josep
tu halak Midian i, sahat do ibana tu Misir gabe na mora jong? Holan i nama na
dipingkiri si Josep umbahen na so muruk ibana tu angka hahana i. Ala dirajumi
ibana, Jahowa do na pamasa on saluhutna. Ala dihaporseai ibana do na Jahowa
patupahon i, disi do gabe ndang adong “hosom” di rohana. Jadi, molo Jahowa na
manggohi roha, mago do hosom sian roha i.
Huria
ni Tuhanta...
Manang na beha pe, sai adong do na masa, ia dung
monding amongna gabe marbadai sude angka pinomparna. Ala ni manang aha ma i,
boi do gabe masipamatean angka na marhaha-anggi dung monding natorasna. Alai
ndang i na masa di angka pinompar ni si Jakob, nang pe nian sai adong dope tubu
biar ni roha ni sisampulu sada i.
Dipadua hali halak i ma muse mandapothon si Josep
laho mangido “maaf”. Alai nuaeng, huhut ma diboan nasida “tona” ni amongna si
Jakob uju mangolu dope. Ninna ma: Hata ni amanta tu hami, tagan so mate dope
ibana:Sai marpamuati ma roham
di hajahaton ni hahaanggim dohot di dosanasida i, ai tung na roa do na
binahennasida i tu ho; on pe, sai marpamuati ma roham di hajahaton ni angka
naposo ni Debata ni amanta i.
PANIMPULI
Huria ni Tuhanta...
Tontu sian naung itabege tongkin on, adong na gabe
siparsiajaran, manang siputikonta asa tapahombar i di ngolunta on.
Naparjolo: adong
do hata ni Debata na mandok: Ai ndada pingkiranku pingkiranmuna i, jala ndada
dalanmuna angka dalanku, ninna Jahowa (Jesaya 55:8). Dohot di hata na asing
muse, mandok: Roha ni jolma marsangkap dalanna, alai Jahowa do patontu langkana
(Poda 16:9). Jala tahaporseai do i, paboa ndang taboto manang songon dia ma
Debata patupa huasona di ngolunta on. (Cara Tuhan menunjukkan muzijat atau
kuasanya, sama sekali tidak kita fahami). Boi do i maralo tu pingkiranta,
songon na masa tu si Josep. Ai mansai hansit jala maralo do i tu roha nang
pingkiranna. Memang, molo tingki tongon masa i di ngoluna, ndang pintor
diantusi ibana na adong sangkap ni Debata muse tu tingki na mangihut.
HAD...aha do naeng dohononna disi? I ma: Tongtong
do mangula Debata patupahon angka na denggan di ngolunta on, nang pe songon na
maralo tu rohanta be. Ndang na dipasombu songon i asa mago jolma i di bagasan
parungkilonna be. Tuhan pasti bekerja lewat segala hal yang terjadi dalam hidup
orang-orang percaya. Roma 8:28
mandok: Alai taboto do, saluhutna do manumpak tu na denggan
di angka na marholong ni roha di Debata, angka na jinouna sian tahina hian.
Molo hansit ngolum nuaeng, haporseai ma na mangula do Debata disi patupa na
dumenggan muse tu tingki na mangihut.
Parsiajaran
jala siputikon napaduahon: Mansai
hansit do na pinatupa ni angka hahana i tu si Josep. Dipamasuk tu
liang sumur, dung i digadis tu partigatiga halak Midian. Dung i diboan ma muse
tu Misir, asa gadison muse tu si Potifar wakil ni raja Firaun. Ndang holan i
muse, ai ndang boi be rap ibana dohot natorasna, dao sian bonapasogitna, jala
ndang na boi be hirimon pajumpang nasida. Boi do i gabe patubu parbadaion di
angka na marhaha-anggi, tubu ma hosom/dendam, jala masa ma muse nang pamaloson.
Beha do molo masa na songon i tu hita? “kemungkinan” dendam do hita jala
baloson ma i di tingkina. Hape, ndang songon i na masa. Mansai burju do si Josep
di angka hahana i. Tajaha ma di 1 Musa 45;1-5....
Jesus mandok: Mateus 18:21+22 Dung i didok si
Petrus ma mandok Ibana: Tuhan, sintap piga hali do sesaonku sala ni donganku na
dompak ahu? Pola do pitu hali. Gabe didok Jesus ma tu ibana: Ndada pitu hali
dohononku tu ho, tung sintap pitupulu hali pitu do.
Parsiajaran napatoluhonberengonta
ma i di diri ni Jesus sandiri, jala tapahombar tu ayat 18: Dung i laho dohot
angka hahaanggina i, marsinggang ma nasida tu jolona,
angka ninna ma: Ida ma hami on, naposom ma hami.Molo adong hata
marsinggang, nunga boi dapot roha na mangido maaf ma i, ala nunga diboto
hasalaanna be. Hape tingki di huta nasida, lomo-lomonasida do tu si Jusuf, pola
sampe digadis. Ai molo nunga ginadis, dos do i lapatanna tu na mansoadahon
manang naung dietong mate. Hape nuaeng, ndang di huta be nasida, alai nunga di
harajaon Misir na masa on jala si Jusuf sahalak na gogo jala na mora. Ala ni i
do didok nasida tu si Jusufi: naposom ma hami. Hatobanmu ma hami
nuaeng. "Kami datang untuk menjadi
budakmu.
Songon i ma masa na itapatupa tu Jesus. Ai dohot do
hita mamparsilangkon Jesus andorang so porsea hita. Tabahen do Jesus i marsala jala
hita ma na sintong di na manggogo hita mandok “parsilangkon ma, parsilangkon
ma”. Si Josep pe marsala do di angka haha-anggina, ala ni i do gabe digadis.
Alai aha ma alus ni si Josep: Ayat 17b + 20: Alai tangis do anggo si Josep,
dung didok nasida songon i tu ibana.Na jat do nian tutu tahi ni rohamuna dompak
ahu, alai na denggan do hapatean ni dibahen Debata, patupahon songon na
niidamuna sadari on, laho pangoluhon bangso na bolon.
Wah, betapa baiknya Yusuf yang memaafkan
saudara-saudaranya, dan tidak ada dendam sama sekali. Sama seperti Yesus yang
berkata: Ale Amang, sai marpamuati ma rohaM di nasida, ai ndang diboto nasida
manang aha naniula nasida i. Tung so adong do muruk, dendam, elat, teal, late
dohot dosa di roha ni Jesus. Alai, sai marpamuati do rohana.
Ala ni i ma di hita angka naung porsea, dung
itaboto balga ni holong ni Jesus, marsinggang ma hita tu jolona jala dohononta
ma muse songon pandok ni haha-anggi ni si Josep i, mandok: Ida ma hami on, naposom ma hami.
On pe angka dongan: aha do alus ni si Josep tu
haha-anggina i? Ayat 19+21: adong disi hata “Unang hamu mabiar”. Nuaeng, aha ma
muse alus ni Jesus tu hita dung gabe porsea hita jala tasadari dosanta di
adopan ni Jesus: Mateus 28:16-20 Alai na laho do anggo siseanna na sampulusada
i tu sada dolok na di luat Galilea, songon naung tinonahon ni Jesus tu
nasida.Jadi dung diida nasida Ibana, disomba ma Ibana; alai na ganggu do
roha ni na deba.Dung i didapothon Jesus ma nasida, didok ma: Nunga sahat tu Ahu
nasa huaso na di banua ginjang dohot na di tano on.Laho ma hamu, podai hamu
ma saluhut bangso, didi hamu ma nasida tubagasan Goar ni Ama. Anak dohot Tondi
Parbadia!Laos ajari hamu ma nasida mangaradoti nasa hata naung hupatikkon tu
hamu. Ai ida ma, sai na dongananku do hamu ganup ari, rasirasa ro ajal ni hasiangan on!(Unang
hamu mabiar)....
Tidak ada komentar:
Posting Komentar