1 Korint 8 : 1 - 13

1 Korintus 8 : 1 – 13

8:1   Alai anggo taringot tu juhut naung pinelehon taboto be; naung adong do parbinotoan di hita saluhutna. Na paburnangkon do parbinotoan; alai na pauliulihon do ia holong ni roha.

8:2     Na mangarimpu, naung adong binotona, ndang diboto dope pangalaho ni parbinotoan na tama.

8:3     Alai anggo adong na mangkaholongi Debata, i do na tinanda ni Debata.

8:4    Onpe, taringot tu na manganhon juhut naung pinelehon taboto do: Ndang tutu adong begu di portibi on, jala ndang adong Debata dungkon ni Nasasada i.

8:5    Ai adong do tutu digoar debata di ginjang nang di tano on pe, ai lan do dipardebata jala lan do dipartuhan.

8:6    Alai anggo di hita holan sada do Debata, Ama i, parmulaan ni saluhut, jala hita do tu Ibana; jala sada do Tuhan, i ma Jesus Kristus, parhitean ni saluhutna, jala hita marhitehite Ibana.

8:7    Alai ndang apala saluhutna nampuna parbinotoan i. Adong dope na manganhonsa songon pelean situtu, ala somal diparhatutu begu, gabe ramun rohanasida, na hurang togu i.

8:8   Alai ndang dipajonok sipanganon hita tu Debata: Ndang na surut hita, anggo so tapangan, jala ndang ummangat hita, nang tapangan.

8:9    Alai jaga ma hamu, so tung gabe partuktuhan di angka na gale i huasomuna.

8:10 Ai adong ma na marnida ho, nampuna parbinotoan ondeng, hundul marsipanganon di parsombaonan ni begu: Nda niapoan ma disi rohana na hurang togu i, manganhon juhut na pinelehon?

8:11 Gabe mago maon binahen ni parbinotoanmi dongan, na gale i dope na hinophop ni hamamate ni Kristus!

8:12  Alai molo songon i hamu mardosa dompak angka dongan jala digugai hamu rohanasida na hurang togu i, na dompak Kristus do hamu mardosa disi.

8:13  Dibahen i, antong, anggo targasip donganki siala sipanganon, na so tupa be panganonku juhut salelengna i, asa unang targasip donganki hubahen.

Huria ni Tuhanta. Ingkon manat do hita manigati turpuk on. Kita harus berhati-hati memahami renungan kali ini. Alana, sala mangantusi, gabe sala ma pangauhononna. Kalau kita salah memahami sesuatu hal, maka akan salah juga dalam menerapkannya. Ala ditaringoti di turpuk on angka JUHUT (jagal), BEGU (berhala) dohot DEBATA (Tuhan).

Ise do hita na porsea adong begu????? (Boi ma jo martudu)

Songon dia do rumang ni begu????

Boi do jamaon begu?????

Adong do jolma na so porsea na adong begu. Jadi ndang adong biarna mamolus angka ramba, kuburan dohot anga inganan na patubu biar.

Ise do hita na so porsea adong begu?????

Alai unang gabe didok, tu angka na porsea adong begu, ON DO SASINTONGNA BEGU I.

Ai sipata do hita mandok “songon begu rupana” ninna rupani. Hape molo huida sian ginjang on, so adong dison begu, jolma do sude.

Manang “begu do pangalahom”, ninna. Di angka na deba didok, “na marbegu do i puang”

Adong na mandok, “na begu-beguon”. Na debanari mangantusi, ia dung mate jolma, tolu ari nari ro ma beguna. Jala beguna i, sai manjama angka hasomalanna do i uju mangolu.

Molo peol hurumna didok ma i, “dipastap begu”, hape na struk do nian

Adong na mandok, “BEGU AHA I”. Adong do na mandok, “begu ni jengkol do ibana”, ala lomo rohana mangngatngat jengkol. Adong na mandok, “begu nurnur”, begu ganjang (ahana do na ganjang ninna roha). Adong muse do huta na margoar, “Lumban Nabegu”

Huria ni Tuhanta. Molo taparsiajari sian hata batak, molo didok nabegu, na marlapatan do i halak na gogo. Orang yang kuat, yang memiliki kekuatan supra-natural. Jadi marragam do pangantusionta taringot tu begu on.

Ala lam martamba pangantusion, molo adong hau na poppot bulungna, isara hariara, sai tadok ma i parbeguan. Marsigantungi disi angka begu. Kuburan pe sai tadok ma parbeguan. Holan na begu ma na manggoki rohanta, gabe jotjotan ma mabiar hita.

Huria ni Tuhanta…

Songon i ma na masa di huta KORINT. Huta na mansai ribur, huta hadomuan ni angka na malo di parbinotoan, huta ni angka parugamoon nang hakristenon, huta partiga-tigaan, huta bontean/pelabuhan, laos huta inganan ni angka na tabo-tabo songon sinuaeng (pergaulan bebas), tempat (mohon maaf) prostitusi.

Nunga be torop disi nang halak Kristen. Jadi masa ma parsualan di tonga-tonga ni halak Kristen ala ni juhut/jagal. Jadi, najolo pe nunga masa parsualan alani jagal.

Nuaeng pe adong do na marsual ala ni juhut/jagal. Marsoal ala ni jagal na masak, laos marsoali nang ala ni jagal na tata. Ai memang borat do adopan molo masa parsualan ala ni jagal. Hape so pola olat ni dia nian tabo ni jagal on, tong do songon-songon i, ate. Apala jagal sisaotik i.. (Aaaaai amang, anggo angka amanta on na tu jagal i…..)

Songon i ma angka dongan hatiha i, nang pe rap nasida halak Kristen, masa ma parsualan di tonga-tonga nasida. Somal do di huta Korint sai adong inganan parsombaon (KUIL), semacam patung. Torop do na marsomba tusi huhut mamboan angka juhut sipelehononna.

Isarana butini. Molo adong na mamboan juhut sipelehononton tu inganan parsombaon i, dung sidung dipelehon, adong do i na digadis tu pasar. Diallang nasida ma i deba, jala sipata dijou do angka dongan nang angka na Kristen i mangallang juhut i.

PERSOALAN nuaeng i ma, BEHA, sala do halak Kristen mangallang juhut naung dipelehon i? Disi ma masa angka ragam ni pandapot. Angka pande bisuk na mardebatahon hapistaran i, mandok, ndang sala allangon i.

Alasanna, ai so adong begu disi. Gabe adong ma halak Kristen na tartait mangallang juhut naung dipelehon i.

Hape nunga gabe partuktuhan i tu halak Kristen na asing, na so olo mangallang juhut naung dipelehon i. di pangantusion nasida, molo dipangan i, nunga gabe dohot iba marsomba tusi. Adong dua warna hakristenon i.

I do umbahen na ditongos si PAULUS surat on, mangalehon pangantusion tu saluhut angka siihuthon Jesus. Dipaingot ma parjolo angka na pistar i ( ay 1b) Na paburnangkon do parbinotoan, na paulihon do ia holong ni roha.

Didok si Paulus ma songon on, Denggan do molo adong parbinotoan, alai molo tung pe adong parbinotoanmu, unang gabe targasip donganmu ala ni i.

Unang etong dirim naung malo, jala unang pardebatahon i. Molo pe adong parbinotoanmu, ai so marlapatan i molo so adong di ho holong ni roha. (Bnd. 1 Korint 13 : 1 - 3).

Molo pe boi dipangan ho angka juhut naung penelehon i, unang gabe targasip donganmu ala ni pangallangonmi. Ala ndang disi be unok ni haporseaon. Di dia do? Di na mangulahon HOLONG.

Laos dipaingot ma muse angka halak Kristen. Didok si Paulus ma songon on: Di angka naung porsea di Jesus, ndang be nian mardangka haporseaonna. Imanmu janganlah bercabang, ke Iblis dan kepada Allah. Ndang pola gabe ramun molo diallang nasida juhut i, ai holan sebatas sipanganon do i. (Ay. 8).

Alai molo sian ETIKA HAPORSEAON, memang hurang do dengganna. Ala ni aha? Ay 9 mandok…”jaga ma hamu, sotung gabe partuktuhan i di ho dohot di na humaliang.  Molo targasip do dongan ala ni pangallangonniba, NA DOMPAK KRISTUS do ho mardosa disi ( ay. 12 baris parpudi). Jadi asa unang targasip angka donganta, tumagon ma pinaholang jo sipanganon i.

Naeng dohonon ni si Paulus, PARSOMBAONMI,  pasahat ma i holan tu DEBATA JAHOWA, unang tu angka sombaon ti tano on, ai so margogo i, jala ndang tuk i mangalehon hangoluan dohot haluaon di ho. Nang pe gok angka hagogoon di prtibi on, holan Jahowa do na patut sisombaonta ( ay. 6).

Sarupa ma i nuaeng songon na di hita on. Adong do na manganhon na margota, laos adong do na manganhon na so margota. Naeng dohononna, ndang badia halak ala so mangallang na margota, jala ndang ramun halak molo tung pe dipangan na margota. Ai ndang “sebatas” sipanganon anggo haporseaon.

I do na nidok ni Jesus di (JAHA) Mateus 15 : 11, 17 - 20. / Markus 7 : 18 - 23. Manusia tidak akan pernah menjadi kudus oleh karena makanan, sebab makanan hanya sebatas ke perut, dan akan dibuang di jamban.Manusia menjadi kudus apabila DIKUDUSKAN oleh Yesus. Kalau makanan dapat menguduskan manusia, maka Yesus tidak perlu lagi datang di bumi ini.Iman kita bukan lagi hanya sebatas makanan, tetapi iman yang didasari oleh kasih.

Memang betul pada zaman PL, ada makanan2 tertentu yang halal dan haram. Alai nunga be dipasingkop Jesus saluhutna i di hau pinarsilang. Ala nii do didok Jesus, tung so adong do sipanganon na ramun, na mambahen ramun jolma i ma angka perilaku menyimpang, pangalaho na so denggan.

Sasintongna ndang apala juhut i na ummarga dison, alai na ummarga i ma, beha do bahenonta asa holan Jahowa do sihaporseaanta. Ala mansai torop dope hita na porsea di angka hagogoon ni portibi on isara ni mardatu, mamele tu gana-ganaan, laos ringgas muse marminggu.

Taingot dope jamita na di ari minggu na salpu? Holan Debata Jahowa do partanobatoan, jala Ibana do haposanku. Nuaeng pe, turpuk on paingothon holan tu Debata sambing do hita na patut marsomba. Bo pe marhagogoon portibi on, alai ingkon Jahowa do na gabe sisombaon jala sioloan. Jala holan Ibana na do na patut tandaon marhite Jesus Kristus Sipalua i.