1 MUSA 7 : 17 - 24

1 Musa 7 : 17 – 24

AEK NA SUMAR

7:17   Jadi ro ma aek na sumar tu tano on opatpulu ari, gabe lam binsat ma aek i, jala dihindathon parau i sian tano on tu ginjang.

7:18   Dung i lam mangalantap ma aek i jala sumar situtu di tano on, gabe meapeap parau i di atas aek i.

7:19   Jadi lam binsat situtu ma aek i di tano on gabe disalpui sude dolok, angka na timbo na di toru ni sandok langit i.

7:20   Sampululima elak aek i tumimbo sian dolok, angka na sinalpuanna.

7:21  Jadi tos ma hosa ni nasa na mardaging, na manjirir di tano on, ro di pidong dohot pinahan dohot binatang, ro di sude na manggulmit di tano on, ro di jolma sudena.

7:22   Mate ma sude na marhosa hangoluan di bagasan igungna, sian sude angka na di darat.

7:23  Jadi ripas ma nasa na adong di tano on, sian jolma ro di pinahan, ro di gulokgulok ro di pidong na martongatonga langit, ripas do saluhutna sian tano on; holan si Noak tading angkup ni na rap dohot ibana di bagasan parau i.

7:24   Dung i sai mangalantap ma aek i di tano on maningtingi saratus limapulu ari lelengna.

Huria ni Tuhanta...

Aha do sibonsirina umbahen na ro (diparo) Tuhan i aek nasumar/Air Bah? Di buku ni 1 Musa 6:5-7 Mandok: Nunga lam deak hajahaton ni jolma (segala kecenderungan hatinya selalu membuahkan kejahatan). Ripashononku ma sian tano on jolma na Hutompa i, ro di pinahan dohot na manjirir, ro di pidong angka na martonga-tonga langit…dst.

Berarti, dosa/kejahatan sangat besar pengaruhnya terhadap perilaku manusia.

Alai asi do roha ni Debata mida si Noak (Nuh), ala: jolma na BONAR jala na DAULAT ROHA ibana, jala sai marparange MARDONGANHON DEBATA.

Paroonku ma AEK NASUMAR, ala ni i ale NOAK, bahen ma di ho sada PARAU na bolon. Bongot ma ho tusi rap dohot pardihutam, anakmu na tolu i dohot parumaenmu, laos pabongot tu parau i pitu pasang be angka pinahan na ganjing dohot sapasang be angka pinahan na so ganjing (NDANG NA GANJANG, na ganjing do). Dohot do nang disi pinahan lobu songon i nang panangga? DOHOT, asa adong pangkeonta tu angka ulaon paradaton.

Karena pada saat itu ada hukum Yahudi tentang binatang yang haram dan halal. Pada hal, iman bukanlah soal makanan, karena makanan tidak menentukan seseorang menjadi kudus atau tidak. Yang mampu menguduskan manusia hanyalah Tuhan Yesus.

Dung bongot nasida tu parau i, ro ma antong aek nasumar 40 ari - 40 borngin (Udan sian langit dohot marharuaran ma nang aek sian angka mata-mata ni aek – Aek sian ginjang, jala aek sian toru). Gok ma aek di tano on, pola dihungkupi ninna puncu ni dolok na mansai timbo. Mate ma nasa na marhosa hangoluan di bagasan igungna/parniangguanna.

Huria ni Tuhanta..

Nunga boi tabayangkon nuaeng na masa i, jorbutna, ngerina, nang gogona. Haru holan “Tsunami Aceh & Jepang” pe na masa i, nunga torop angka na marmatean. Hape, ndang sadia dope tsunami martimbangkon aek nasumar. Banjir pe sungai kanan, nga hohar nasa luat on. Molo nunga ro aek na sumar, ndang marlapatan disi na malo marlange, tong do maup sude.

Molo sai tarimangi na masa aek na sumar, gok ma ra na manjou si Noak asa bongot tu paau i. Noak, noak, dohot jo ahu.......

Huria ni Tuhanta...

Aha do na boi piga-piga dapot hita sian turpuk on:

A.  Beasa dipillit Debata si NOAK? Ala BONAR ibana jala sai marsaor dohot Debata. Holan si NOAK do na tardok BONAR sian saluhut jolma na di tano on hatiha i. “Ndang binoto atik na dohot do bonar pardihutana, anakna na 3 i dohot angka parumaenna, jala ndang jumpang ahu ayat na mandok na dohot do nasida bonar, so holan si NOAK”. Berarti dohot do nang hula-hula ni si Noak angka parjahat.

Diantusi hita do aha lapatan ni i angka dongan, tarlumobi tu hita angka ama? Ala ni burju ni si NOAK (na gabe ama jala malim di keluargana), gabe dohot do saluhut pangisi ni jabuna dipillit Debata jala malua sian parmaraan.

Kebaikan hati seorang ayah, akan sangat mempengaruhi keselamatan keluarganya. Kebaikan seorang ayah akan membawa kedamaian bagi keluarganya. Beha do hita songon ama margogo mamboan haluaon ni angka rumah-tangganta be. Marsiajar ma sian si NOAK, BONAR jala tongtong MARSAOR dohot Debata.

B.   Boi do maol tarjalo roha nasa parsuruon ni Debata tu hita. Pandok ni Debata tu si NOAK, asa mambahen parau na mansai bolon sahali. Alai ndang adong panulakion ni si Noak, ndang marungut-ungut ibana, jala ndang adong haruar sian pamanganna nanggo apala sungkun2 tu Jahowa. Alai BULUS do rohana mangoloi pandok ni Debata, ala adong naeng sipamasaon ni Jahowa tu portibi on. (Tabayangkon ma jo nuaeng di inganan i hita saluhutna. Tapaida-ida ma si noak patupahon parau, tontu sai adong do ra sian hita na mangarehei ibana - patorang).

C.  Na masa di ngolunta on sipata ndang sai tinggil sipareonta mambege sipaingot manang parsuruon ni Tuhan i. Kita cenderung memiliki iman yang tidak peka akan sapaan Tuhan melalui Firman-Nya. Kita kurang atau bahkan tidak perduli akan sapaan Tuhan. Mungkin, torop do jolma na mangido tolong tu si Noak, alai ala nunga dikunci Debata parau i, ndang adong be na boi manundati (1 Musa 7:16b). Songon i ma nang ngolunta, asa sai tinggil di pamangkulingi ni Debata marhite ragam ni na masa di ngolunta on. Asa dohot hita malua, tontu ingkon denggan do nang parsaoranna dohot Debata. Salah satu kunci keselamatan manusia adalah apabila ia rindu selalu bersekutu dengan Tuhan, seperti Nuh yang memiliki hubungan yang mesra dengan Tuhan juga.

D.  Dung haruar si NOAK sian Parau i, ala naung malua ibana, aha do na pintor diulahon si NOAK. 1 Musa 8 : 20……..Pintor dipatupa ibana do sada langgatan di Jahowa. Naeng marhua ibana? MANDOK MAULIATE tu Debata laos dipelehon ibana peleanna tu Debata. (I Tesalonika 5:18 Mengucap syukurlah dalam segala hal, sebab itulah yang dikehendaki Allah di dalam Kristus Yesus bagi kamu.).

E.  Mangkuling ma muse Debata dohot si NOAK. Ndang be pamasaonKu aek nasumar, jala pahotonKu ma padanKu. On ma tandana (ay.13), Halibutongan-Ki (pelangi), na hubahen i di ombun, i ma pataridahon na hot do padanki.

           

Saleleng taida dope adong halibutongan i, dipaingot i ma hita hape, NA SO TUPA ADONG BE AEK NA SUMAR MANGARIPASHON JOLMA I. Molo adong pe angka banjir bandang, tsunami, dna, ndang aek na sumar goar ni i. Ai holan sahali do masa aek na sumar di portibi on.

    

Anggo di rohangku, molo sai huida adong halubutongan dung sidung simbur2, pintor hudok do di bagasan rohangku, HOT DOPE PADAN NI DEBATANGKI.

Molo marpadan nuaeng Debata dohot jolma, tontu asa jumpang do disi nang hadameon jala mangalehon pos ni roha do i tu hita jolma. Bayangkan saudara2, Allah yang kudus mau mengikat janji dengan manusia yang berdosa. Dan puncak janji itu adalah DIA harus merelakan Anak Tunggal-Nya disalibkan agar manusia terselamatkan. Puncak perjanjian Allah dengan manusia adalah ketika Yesus datang di dunia ini, memberikan keselamatan dan bahkan sampai mati di kayu salib.

Molo malua pe si NOAK, ndang ala ni hamaloonna, gogona, bisukna, hamoraonna, ulaonna, alai ala na rade do ibana umbege pandok ni Debata. Hita pe saluhutna, asa dohot malua, rade jala unduk ma hita umbege pandok ni Debata, laos dok tongtong mauliate tu Ibana.