1 SAMUEL 3 : 1 - 10 PEMANGGILAN SAMUEL

1 Samuel 3 : 1 – 10

(Tuhan Memanggil Samuel)

3:1   Dung i uju si Samuel na bajar i marhalado di Jahowa, di jolo ni si Eli, mahal ma di angka ari i hata ni Jahowa, jala ndang adong sadia pangungkapon.

3:2   Dung i di na sadari modommodom ma si Eli di ingananna, matana pe nunga mamungka rambon, ndang tarbaensa be marnida.

3:3   Ndang dope mintop ianggo palito ni Debata, jala nunga modom ia si Samuel di joro ni Jahowa, hajongjongan ni poti parpadanan ni Debata.

3:4   Jadi joujou ma Jahowa di si Samuel, gabe didok ibana ma: Ida ma, dison do ahu!

3:5   Dung i marlojong ma ibana tu si Eli, jala ninna ma: Ida ma, dison do ahu, ai dijou ho do ahu. Alai didok si Eli ma: Ndang ahu manjou ho, mulak ma ho mangulahi modom, gabe laho ma ibana jala modom.

3:6  Dung i diulahi Jahowa manjou si Samuel paduahalihon, gabe hehe ma si Samuel jala laho mandapothon si Eli, jala didok ma: Ida ma, dison do ahu, ai dijou ho do ahu. Dung i ninna si Eli ma: Ndang ahu manjou ho, ale anaha, mulak ma ho mangulahi modom.

3:7   Alai ndang dope ditanda si Samuel Jahowa, jala ndang dope pinapatar tu ibana hata ni Jahowa.

3:8 Dung i diulahi Jahowa ma manjou si Samuel patoluhalihon, gabe hehe ibana jala laho mandapothon si Eli, jala ninna ma: Ida ma, dison do ahu, ai dijou ho do ahu. Jadi mamoto ma roha ni si Eli, Jahowa do hape manjou dolidoli i.

3:9   Jadi ninna si Eli ma tu si Samuel: Laho ma ho mangulahi modom; molo tung joujou muse di ho, dohononmu ma: Mangkuling ma Ho, ale Jahowa, ai mananginangi do naposomon! Dung i laho ma si Samuel, jala diulahi modom di ingananna.

3:10 Dung i ro muse ma Jahowa, tindang disi jala joujou songon na jolo: O Samuel, Samuel! Gabe didok si Samuel ma: Mangkuling ma Ho, ai mananginangi do naposomon.

Hupatorang ma saotik sejarah parsorang ni Samuel. Ia amongna margoar ma ELKANA. Dua jolmana / pardihutana / pardijabuna / inantana. Na parjolo ma i si HANNA jala na paduahon i ma si PININA (imbangna).

Hol do anggo si HANNA, alai si PININA marianakhon do maranak jala marboru. Sai direhei / digitihi si PININA on do si HANNA ala ndang adong dakdanakna. Sai tumatangis ma si HANNA ala ni pangareheion ni si PININA di  ibana.

Ujungna laho ma ibana tu bagas joro naeng martangiang. Topet hatiha i si ELI ma na gabe malim di bagas joro (MALIM = PANDITA RESSORT ma sinuaeng on) dohot dua halak anakhonna si HOPNI & PINEHAS. Martangiang na hohom ma si HANNA di bagas joro alai sai tumatangis ibana mandok tangiangna on. “Molo asi rohaM di ahu, jala ditatap Ho pardangolan ni naposoMon, lehon di ahu dakdanak. Jala molo mangolu ibana, ingkon pasahatonku ibana muse tu Ho gabe parhaladoM.

I ma tangiang ni si HANNA. Dung di taon na mangihut, sorang ma si SAMUEL, laos dipasahat ma ibana tu bagas joro asa gabe marhalado.

Huria ni Tuhanta.

Hatiha i mahal / jarang do angka na mambaritahon Hata ni Jahowa. Holan si ELI nama na marhalado dohot anakna na dua i, i pe parjahat na sumalin. Molo adong na pasahat pelean situtungon (jagal), sai jumolo do si HOPNI & PINEHAS mangallanghon i.

Molo so pintor dipasahat tu nasida situtungon i, gabe hagogoon dipatupa mamaksa asa dipasahat situtungon i. Sai songon  ma torus na masa di bagas joro i. Ndang margogo si ELI maminsang anakhonna na dua i asa unang sai mangulahon sisongon i.

Mardomu muse si ELI nunga be matua jala rambon simalolongna, laos so denggan be marnida. Ala nunga borngin, modom-modom ma si ELI di hundulanna alai anggo si SAMUEL nunga be renge(S).

Ala poso dope si Samuel, jala ndang dope ditanda ibana Jahowa, laos ndang dipapatar dope tu ibana taringot Hata ni Debata, jadi ulaonna holan manjamothon asa unang sanga suda miak ni palito ni Debata na di bagas joro i. (Boi ma dohonon ibana songon Pdt diperbantukan di jolo ni si Eli).

Di naung tarpodom i si SAMUEL, joujou ma Jahowa di ibana, gabe dialusi si SAMUEL ma mandok “Ida ma, dison do ahu”. Pintor marlojong ibana mandapothon si ELI, mandok “dison do ahu, ai dijou ho do ahu. Alai ro ma alus ni si ELI mandok, ndang ahu manjou ho, mulak ma ho mangulahi modom.

Dung mulak si SAMUEL modom, gabe dijou Jahowa muse ibana paduahalihon. Pintor marlojong ibana mandapothon si ELI, mandok ida ma dison do ahu. Alai ro ma alus ni si ELI mandok, ndang ahu manjou ho, mulak ma ho mangulahi modom.

Mulak ma muse si SAMUEL tu parpodomanna, laos tarpodom. Diulahi Jahowa ma muse manjou ibana patoluhalihon. Pintor marlojong ibana mandapothon si ELI laos didok, dison do ahu, ai dijou ho do ahu.

MAMOTO ma si ELI na JAHOWA do hape manjou si SAMUEL. Gabe didiok si ELI ma tu si SAMUEL. Mulak ma ho modom, molo dijou IBANA muse ho, dok ma alusmu “Mangkuling ma Ho ale Jahowa, ai mananginangi do naposomon”.

Dung mulak muse si SAMUEL modom, gabe ro ma JAHOWA mamangkulingi ibaba paopathalihon; “Samuel, Samuel”. Gabe dialusi si SAMUEL ma, “Mangkuling ma Ho ale Jahowa, ai mananginangi do naposomon”. Dipasahat Jahowa ma tu si SAMUEL manang aha na naeng masa muse hinorhon ni angka hajahaton ni jolma, songon i nang hajahaton ni anak ni si ELI na dua i (DUO HOPNI & PINEHAS). Ala ndang margogo si ELI maminsang hajahaton ni anakna i.

Huria ni Tuhanta.

Sian na masa i boi ma hita mamutihi piga-piga na gabe sorminanta di ngolu on.

Segala sesuatu akan indah pada waktunya. Uli do saluhut di tingki halehetanna. Hanna naung leleng ndang mardakdanak, na sai direhei imbangna, na jotjot tumatangis, na marungkil ala ibana sahalak ina na so dapotan urat na togu, alai di tingkina, dialusi Debata do tangiangna.

Pola sahat tu na tarilu-ilu ibana martangiang pasahathon pangidoanna tu Jahowa. Ndang ala na gogo soara martangiang asa ditangihon Debata tangiangta. Ndang pola ingkon hohar partangiangon asa ro alus. Hohom ma ho mangido sian Jahowa, ai ndang na maingol Debata. Holan tutu ingkon di bagasan haporseaon ma mangido ( 1 Sam 10 - 11).

Marsiajar sian si ELI, sahalak MALIM, alai ndang margogo ibana mamodai angka gellengna. Gok nuaeng natoras na so margogo be maminsang angka pangalaho ni dakdanakna. Laos baliksa, gok nuaeng on dakdanak (ianakhon), na so mananda dirina.

Ndang mananda natorasna na sai humasusa mangalului ngolu, hape anakhonna holan na mangaup. Gok nuaeng natoras na so mangarahon angka gellengna mananda Debata.

Ai di ujungna, hinorhon ni pangalaho ni si HOPNI & PINEHAS, gabe mate do nasida na dua.

Marsorminan sian si SAMUEL, gok na boi putihanta sian i. Bajar do ibana dope, ndang ditanda ise Debata, alai rade ibana manghobasi Bagas Joro mangurupi si ELI. Laos disi do ibana marsiajar ganup ari sahat tu na tang pangantusionna. Ndang olo ibana “terikut-ikut”, di pangalaho ni si DUO HOPNI & PINEHAS. Alai serep do rohana laos tinggil sipareonna manangihon panjouon i. Nang pe tongon tarpodom ibana, alai dijou Jahowa, pintor rade ibana marlojong, mandok “Dison do ahu”.

Nuaeng on torop do sipareon na so tinggil be marbinege. Laos nasa bolak ni anduri sipareon, anggo so olo do i marbinege, ndang marlapatan i. Ido umbahen “RA”, ditompa Debata sipareon on dua, jala sada pamangan, asa godang hita manangi-nangi, alai otik manghatai.

Adong do jolma otik marbinege alai ramos mangkatai, sai sude do sala di ibana tung so adong do na tingkos, mulai manogot sahat tu na naeng modom sai holan na marungut-ungut. Anggo si SAMUEL ndaong songon i, pintor sigop do ibana mandok, DISON DO AHU TUHAN, MANGKULING MA HO, AI MANANGINANGI DO NAPOSOMON.

Ilustrasi tettang mengantuk…..

Mari kita peka terhadap sapaan Tuhan, mari kita peka terhadap panggilan Tuhan. Setiap orang dipanggil oleh Tuhan setiap hari begitu kita bangun dari tempat tidur. Unang laos tarpodom antong sian taon baru tu taon baru. Dari kenaikan sampai keturunan, tidak ada kedudukan.

Silahkan ambil bagian dalam pelayanan Tuhan sebagai bukti kalau kita mendengar Tuhan dan sekaligus juga menjawabnya, sumbangkan talenta yang saudara miliki untuk kerajaan Allah. Karena talenta merupakan HUTANG. Setiap profesi merupakan panggilan, dan kita harus merespon dengan tanggung jawab agar menghasilkan Buah Yang Baik. Jala sude do halak Kristen tarjou gabe panghobasi ni Debata, ndang holan angka parhalado. 1 Petrus 2 : 9 Alai marga na pinillit do hamu, hamalimon na raja, bangso na badia, houm na ginomgomanna, asa tung dibaritahon hamu denggan ni harohaon ni Ibana, naung manjou hamu sian na holom tu hatiuronna halongangan i.

Nuaeng antong na porlu sirimanganta, ADAKAH KESEDIAAN UNTUK MELAYANI TUHAN? Rade do hita manghobasi Ibana? Molo tadok ndang malo ahu, Ai so adong jolma on na malo.

Si Musa pe tingki naeng tarjou manguluhon bangso Israel haruar sian Misir, didok ibana do, “DOKDOK DO PAMANGANKU, JALA HALLANG DO PANGABASHU”. Si Jesaya pe tingki dijou didok ibana do “Ai jolma parbibir na ramun do ahu”. Si Jeremia pe didok ibana do “Ai ndang huboto manghatai, ai na bajar do ahu”. Songon i do nang panjouon ni Jesus di angka siseanNa, sude do ingkon mangadopi PERGUMULAN.

Ihuthon ma AHU, ninna Jesus. Tangihon ma soarana, jala unang paula so boto. Ido haroro ni Jesus tu portibi on, manjou jala mamillit angka na rade gabe siseanNa. Jala sai anggiat ma masa di ngolunta on songon na masa tu si SAMUEL.

Dung pe jolo piga-piga hali dijou ibana, gabe diboto ma na JAHOWA do manjou. BUKAN INSTAN tetapi ADA PROSES, songon i ma hita, ingkon diproses do haporseaonta, asa dapot pangantusion di bagasan haporseaon.

Dan saya yakin, kalau Tuhan punya rencana yang sangat luar biasa bagi setiap pribadi. Naeng tarida i di ganup angka ngolunta. Naeng tinggil sipareonta manjangkon soaraNa laos mangulahon i di ngolunta. Amen.