1 Korint 3 : 1 - 9

1 KORINT  3 : 1 – 9

3:1   Ahu pe, ale angka dongan, ndang tarbahen ahu mangkatai tu hamu uju i songon na tu angka partondi, sandok songon na tu angka pardaging do jala posoposo di bagasan Kristus.

3:2  Susu do hupainumhon tu hamu, ndada sipanganon hian, ai ndang tarjalo hamu i uju i; gari nuaeng, gari so tarjalo hamu dope!

3:3  Ai tong dope hamu pardaging. Ai anggo masa di hamu pangiburuon dohot parsalisian, nda pardaging hamu jala mamarangehon ruhut hajolmaon?

3:4  Ai nda parroha hajolmaon hamu, molo adong na mandok: Sisean ni Paulus do ahu, jala na sada an: Sisean ni Apollos do anggo ahu?

3:5  Ai ise Apollos; ise Paulus? Parhalado do nasida, parhiteanmuna gabe porsea, jala ganup hombar tu pangalehon ni Tuhan i di ibana.

3:6   Ahu do manuan, Apollos do pabornokkon; alai Debata do patubuhon.

3:7   Asa ndada rajuman na manuan manang na pabornokkon; Debata na patubuhon, i do!

3:8 Dos do na manuan dohot na pabornokkonsa; alai ganup do manjalo upana, hombar tu pangulaonna be.

3:9   Ai dongan pangula ni Debata do hami; hauma ni Debata, bagas ni Debata do anggo hamu.

Huria ni Tuhanta...Huria, i ma hadomuan ni piga-piga halak di parsaoran partondion. Tontu na umbalga jala na rumingkot i ma angka ulaon partondion / hahomion. Disi do jumpang hata Koinonia (marsaor) / bersekutu. Tagamon do nian unang ma jumpang disi angka hamaolon dohot parsoalan. Na jumpang nian i ma na masihobasan (Diakonia) dohot manghatindangkon nasa pambahenan ni Debata (Marturia).

Nang di filosophi ni halak Batak pe andorang so hakristenon, nunga adong hata masitungkolan nang masiaminan marhite pandokan Dalihan natolu i (Elek marboru, manat mardongan tubu, jala somba marhula-hula). Alai ndang tarbahen be so jumpang nasa hamaolon nang parsualon di tonga ni huria. Adong do hamaolon na ro sian duru ni punguan/parsaoran i (isara penutupan, penyegelan  dan pembakaran gereja). Alai laos adong do i na ro sian tonga ni punguan i sandiri. Jala na umborat siadopan, i ma: hamaolon na tubu sian tonga ni punguan i.

Sada hamaolon na patar jumpang hita di turpuk on i ma “Pengkultusan/Pavoritisme” tu sasahalak uluan ni huria. (Mengagungkan Pimpinan Jemaat). Tontu, ganup angka uluan ni huria, ndang dos pambuathonon ni panghobasionna be. Adong do i na malo di horong on, alai hurang di horong an. Ndang adong jolma na malo di sude horong. Molo tapaksahon do dirinta asa malo jala singkop di saluhut, boi do gabe rintik. (jadi ndang adong jolma na singkop). Holan Jesus do na singkop.

Molo sanga masa “pengkultusan/Pavoritisme” ni ruas tu uluan ni huria, “berpotensi” ma i patubu “perpecahan” jemaat. Nuaeng, sigatanta ma i di bagasan turpuk 1 Korint 3 : 1 – 9 on. Pengkultusan/pavoritisme pimpinan jemaat oleh beberapa orang / golongan di tonga ni huria, adalah VIRUS yang pertama yang dilihat oleh Paulus di jemaat Korintus.

Huria Korint, tardok do i songon huria na metmet. Alai nang pe metmet huria i, angka ruasna bersifat HETEROGEN (marimbar be do haroroanna / latar belakang hidup yang berbeda-beda). Memang boi do na “heterogen” i gabe songon hamoraon, ai boi ma marsiajar sian angka na marimbar (Indonesia: Bhinneka Tunggal Ika). Alai boi do i muse gabe bonsir hasesega molo ala marasing. Jadi jotjot do masa “kompetisi/persaingan” yang tidak sehat ni angka kelompok/horong na marimbar i. Jala sude do masipandokan punguanna be na tumingkos.

Nang pe goarna sada huria Korint, alai mansai jotjot do masa “gesekan2x” na boi mambahen “bersinggungan” kelompok na sada tu kelompok na asing. Mereka banyak menguras tenaga dan menghabiskan energy hanya untuk mempertahankan kelompoknya sendiri dan mencurigai kelompok yang lain.

Saling mengintip, mana tahu ada kesalahan kelompok lain tersebut. “SALING CURIGA”, i ma virus na paduahon na niida ni si Paulus di huria Korint, yang juga dapat mengakibatkan “terinfeksinya” persekutuan jemaat.

Ala ni i do angka dongan, mansai arga do poda ni si Paulus tu huria Korint, nang di hita di patingkian sinuaeng on. Jangankan di huria, di ganup keluarga pe boi masa do parsalisian (anakhon na sada tu anakhon na sada, nang ama tu ina). Ndang ringkot pola “mengagungkan” sasahalak uluan. Ndang ringkot na masi-intipan, na rumingkot i ma hasadaon di parsaoran, so pola marnida haimbaron (perbedaan).

Dibahen ma sada “contoh”: songon na marhauma.

Memang, marganti-ganti do na manguluhon huria Korint. Parjolo ma si Paulus. Dung borhat si Paulus sian Korint tu huria na asing naeng marbarita nauli, diuduti si Apollos ma panghobasion ni si Paulus di huria Korint.

Tontu, ndang sarupa ulaon ni si Paulus tu si Apollos. Ai ulaon ni si Paulus i ma patandahon parjolo sahali ise do Kristus i. Hape ulaon ni si Apollos, ndang na patandahon Kristus be. Marhua nama? Padimun-dimun haporseaon nasida asa hot marhaporseaon di Jesus.

Pangantusion dohot “pemilah-milahan” si songon i do na so adong di ruas ni huria Korint. Ndang diboto mambedahon ulaon ni si Paulus nang ulaon ni si Apollos. Gabe adong ma sian ruas i na “mengidolakan” si Paulus, jala adong na manghasogohon si Apollos.

Songon i ma muse sabalikna. Angka i ma gesekan2x di tonga ni huria Korint (diosos gabe mohop, luka, maniak). Jala na unjorbutna, sai ullomoan do roha ni jolma di situasi singon i, huhut sai “mambahas2” i, daripada manghamauliatehon parsaoran di tonga ni huria i. Hape, so adong nian guna ni i, gariada gabe sai patubu dosa do i. Ai ganup tingki sai nihataan jala sinalahon ma “kelompok” na asing. Boi ma gabe tubu muse hata na so hea tubu. Ala so martuhor hata.

Ala ni i do, mansai koras hata ni si Paulus mandok tu huria Korint di turpuk on, songon on: Ay.1 Di na ro ahu parjolo sahali na uju i tu hamu, nambura porsea dope hamu di Kristus. Ala ni i do, ndang tarbahen ahu manghatai tu hamu songon tu angka partondi (naung leleng mananda Kristus).

Ala baru sahat dope ahu mandapothon hamu jala nambura porsea i dope hamu, ala ni i do “susu do hupainumhon” tu hamu (ay.2). Lapatanna, songon dakdanak na baru tubu dope hamu anggo di haporseaon uju i, na ingkon mangharingkothon susu, ndada sipanganon na koras. Ala ndang boi dope tarjalo hamu uju i panghataion songon tu naung magodang mangantusi Hata ni Debata. (lapatanna, ndang dos panorangion di Hata ni Debata tu SKM dohot tu naung magodang).

Haru nuaeng pe, nang pe naung magodang pamatangmuna, tong so tarjalo hamu sipanganon na koras. Lapatanna, haru nuaeng pe, nang pe naung magodang pamatangmuna, tong so diantusi hamu dope manulingkit Hata ni Debata.

Boasa ndang tarjalo nasida dope sipanganon na koras?

Ala, sai masa dope di nasida pangiburuon dohot parsalisian. Molo masa parsalisian di hamu, ndang partondi dope hamu, alai pardaging dope (ay.3). Ala pardaging do hamu, dos dope hamu songon dakdanak. Nang pe naung magodang pamatangmuna. Ai dakdanak dope etongon hamu molo sai mura-mura marbadai, marungut-ungut, dohot marsalisi. Ai so magodang hamu di haporseaon, holan di pamatang do hamu magodang.

Jadi, nang pe magodang hamu di pamatang, alai di haporseaon songon dakdanak dope hamu, molo masa “pengkultusan / Pavoritisme / pengidolaan, tu na manguluhon hamu di huria i. Ai ndang na so boi hamu huajari taringot tu Hata ni Debata sabidang-bidangna. Alai aha ma lapatan ni i, molo songon dakdanak dope pangalahomu.

Parroha hajolmaon dope hamu molo sai adong na mandok: Sisean ni si Paulus do ahu. Na asing mandok, sisean ni si Apollos do ahu (ay.4). Ai ise huroha hami? Jolma na biasa do hami, na so adong sipangasahononhon. Jala saguru tu pangalehon ni Tuhan i do molo pe marasing-asing pamboanhononnami di na manghobasi i (ay. 5).

Huria ni Tuhanta...Dalan pamurahon pangantusion ni ruas ni huria Korint, dipabotohon ma songon na “martani” / marhauma:

Molo pe ahu Paulus parjolo sahat tu hamu, songon na MANUAN ma ahu disi. Molo pindah pe ahu jala diuduti si Apollos ulaon i, na PABORNOKHON/MANIRAM ma ibana disi. Alai, ndang marlapatan na MANUAN dohot na MANIRAM, molo so diloas Debata i na sinuan i mangolu/tubu. Ahu manuan, Apollos maniram, alai Debata patubuhon (Deus Incrementum Dedit - ay.6).

Jadi dos do na manuan dohot na maniram, jala ndang pola rajuman i (ay7). Na rumingkot i ma na mangalehon hangoluan. Mansadi do anggo manuan, mansadi do anggo maniram, alai ndang mansadi anggo na patubuhon. (Molo di rumah tangga, hira songon on ma: Amanta i do parsinuan, inanta i do pangitubu, alai na mangalehon hangoluan i ma Debata sambing do. Ai molo pe Amanta i parsinuan, inanta i pangitubu, alai anggo so dilehon Debata hangoluan, dos tu naung mate do i. Ai so adong sihirimon sian na mate. Jadi dos do parsinuan tu pangitubu).

Molo pe ahu Paulus manuan, Apollos maniram, anggo so dilehon Debata hangoluan, mate do huria i. Jadi dos do Ahu Paulus na manuan, tu Apollos na maniram. Na rumingkot i ma na pangoluhon i do, i ma Debata(ay.8). Ai sebatas pangula do hami, hatoban ni Debata, jala hamu ma bagas ni Debata.

Tontu molo hamu do bagas ni Debata, na ingkon mian di bagas i, i ma holan Debata/Kristus. Unang ma adong na asing bongot be tusi (ay.9). molo holan Debata do na mian di hamu naung tarjou gabe bagas-Na, tontu ndang na tarbagi-bagi be Kristus.

Nang di tonga ni partingkianta sinuaeng on pe di HKBP Hapoltahan Nauli, na dos songon huria Korint, MINORITAS dan HETEROGEN. Otik alai marimbar di haroroanta be. Tontu disuru do hita marsiajar sian turpuk on, mangharingkothon hasadaon, asa nian unang dos hita songon dakdanak. Marlao-ro do hami angka “full-timer” di HKBP Hapoltahan Nauli on, manang na ise pe hami na manuan, ise na pabornokhon, ise na mambaboi, ise na manganapui, ise na mamuro, saluhutna i na rumingkot i ma Debata na patubuhon i do.

Nuaeng pe, manang ise hamu na maragenda, ise hamu na markoor, ise hamu dirigent, ise hamu panitia angka pesta, ise hamu na manguluhon punguan-punguan, dos do i na manghobasi Debata. Sai unang ma adong na mangalului sangap. Asa tongtong boi marsada, tontu panatapanta ndang tujuhononta be holan tu na manuan, manang holan tu na maniram. Ingkon holan tu na pangoluhon i do. Asa, ndang gogo ni jolma na masa disi, alai gogo ni Debata do umbahen na mangolu dope huria i sahat tu tingki on.

Jadi manang aha pe na boi tarpatupa hita “bentuk-bentuk” / ragam ni panghobasion di tonga ni huria, baik ma i panghobasion secara kollektif manang marsasahalak, na rumingkot i ma dipangolu Debata ma ulaon i. Amen.