1 Korint 12 : 3 - 13 Bahan Sermon

Sermon HKBP Ressort Kota Pinang

Jum’at 30 Mei 2014 Tu Minggu Pentakosta I

(Hasasaor ni Tondi Parbadia – 08 Juni 2014)

Turpuk: 1 Korint 12 : 3 – 13

12:3   Dibahen i hupabotohon ma tu hamu: Ndang tarbahen halak, na mangkatai marhitehite Tondi ni Debata, mamburai Jesus; jala holan marhitehite Tondi Parbadia do targoar Jesus, Tuhan.

12:4     Ragam do parasirohaon i; alai sada do Tondi.

12:5     Ragam do ulaon (di huria); alai sada do Tuhan.

12:6     Ragam do hagogoon; alai sada do Debata na mangkorhonsa di bagasan sasudena i.

12:7     Alai laho manumpak do dibasabasahon jala dipataridahon Tondi i tu ganup.

12:8    Ai tu na sada on dilehon do marhitehite Tondi i hata habisuhon; alai tu na sada an hata parbinotoan marhitehite Tondi na sasada i.

12:9  Tu na asing muse haporseaon di bagasan Tondi na sasada i, tu na asing huaso pamalumhon di bagasan Tondi na sasada i.

12:10  Tu na asing gogo patupahon halongangan, tu na asing panurirangon, tu na asing na mananda ragam ni tondi, tu na asing muse mangkatahon di hata na leban, tu na asing pajojorhon parhataan i.

12:11   Alai saluhutna i dipatupa Tondi na sasada i, ai asingasing be disagihon i tu ganup, guru lomo ni rohana.

12:12 Umpamana: Hibul do daging i, alai torop do anggo ruasna, jala ruas na torop i manjadihon daging na sasada i; songon i do Kristus.

12:13  Ai Tondi na sasada i do dipandidihon tu hita saluhutna, gabe sada daging, nang Jahudi, nang Junani, nang hatoban, nang anak mata; jala tu saluhut hita dipainumhon Tondi na sasada i.

Patujolo

Sampulu ari dung manaek Jesus tu banua ginjang, ro ma Tondi Parbadia, na somal digoari ari Pentakosta (hasasaor ni Tondi Parbadia). Disonggopi Tondi i do angka sisean ni Jesus, gabe margogo nasida mambaritahon naung hehe Jesus sian hamatean, jala jongjong ma angka huria di sandok portibi on. Gabe dapotan asi ni roha do ganup angka na porsea laho padimun-dimun huria i, i ma na ginoaran “karisma”. Naeng ringkot botoon sian dia do haroro ni i, jala tu dia pamangkena, songon pamodaion ni Apostel i di turpuk on. Mansai tangkas do diboto Apostel Paulus parngoluon ni jolma di huta Korint, songon i nang angka ruas ni huria na marharoroan sian ragam ni “sibonsiri” (latar-belakang). Dipaingot Apostel Paulus do, ia “karisma” i ma silehon-lehon ni Debata. Jala pangkeon do i laho padimun-dimun pardalanan ni huria, songon naung tarjou angka na porsea i tu ganup angka pangkobasion di tonga ni huria. Digombarhon do i songon sada pamatang/daging, alai torop do anggo ruasna, jala ruas na torop i do manjadihon daging na sasada i, nang pe marimbar be pamangkena. Songon i do nang huria na songon pamatang ni Kristus. Di huria i ma sada angka ruas na marragam i, nang pe marimbar be sibasa-basa na jinalona sian Tuhan i. Ulaon ni ruas i ma mamangke “sibasabasa” naung jinalonamanghobasi huria na songon pamatang ni Kristus. Dipaingot Apostel Paulus do huria na di huta Korint, asa diboto mamangke karisma i, ndada laho marginjang ni roha manang paburnang diri. Alai songon “tanggung-jawab” do i laho mangulahon angka ragam ni ulaon di tonga ni huria i. Tontu, ndang na mangalului hasangapon manang huaso disi, alai so ganda holan  na manghobasi Debata marhite huria-Na.

Hatorangan

Ayat 3. Dipaingot Apostel Paulus do huria na di Korint taringot tu sibasa-basa naung jinalonasida. Nasida na marharoroan sian sipele begu hian, alai nunga dijangkon Kristus nasida hinorhon ni asi ni roha-Na i. Dapotan asi ni roha do ruas na adong di huta Korint marhite na digoki Tondi parbadia nasida. Jala ojak di nasida ragam ni silehon-lehon. Asa marhite silehon-lehon na marragam i ma, pangkeon ma i laho “bersaksi”taringot tu Kristus naung monang i. Tontu angka ruas naung digoki Tondi Parbadia, tuk ma i mandok Jesus do Tuhan i.

Ayat 4-7.Tondi Parbadia na “mangula” di ganup roha ni ruas i do patubuhon haporseaon na mangolu, - mangokuhon paboa Jesus do Tuhan -  i do gabe dasor panghobasion ni ganup na porsea marhite talentana be. Asa ganup na porsea ndang be mangula saguru tu lomo-lomona be, alai marhite silehon-lehon ni Tondi i do.Marragam do angka ulaon, parasinirohaon nang hagogoon di tonga ni huria, jala marragam do nang “sibasabasa” dipasahat Debata tu huria i, alai saluhut na i marharoroan sian sada Tondi Parbadia. Jala pangkeon ma i manghobasi huria i, ndada mangalului hasangapon ni marsasahalak.

Ayat 8-11.Ganup angka na porsea di Jesus, nunga dipasahat be tu ibana silehon-lehon i marhitehite Tondi na sasada i. Ala ni i, ganup angka naung manjalo sibasa-basa, ingkon pangkeonna ma i ndang holan tu dirina, tung pangkeon ma i “mangalusi” panjouon ni Tondi i, di panghobasion ni huria. Adong piga-piga sibasabasa naung dipaandar di turpuk on, i ma: habisuhon; parbinotoan, haporseaon, huaso pamalumhon, gogo patupahon halongangan, panurirangon, mananda ragam ni tondi, mangkatahon di hata na leban, pajojorhon parhataan i, dna. Molo tung pe adong be di jolma i sibasabasa, jala molo tung pe ingkon marimbar, ndada ala ni lomo ni roha ni jolma i na patupahon i. Ndada hinorhon ni huaso ni jolma i manang ala ni habisukonna. Alai, saluhut i sian lomo ni roha ni Tuhan i do, jala haroroanna pe sada do sian Tondi i. Apostel Paulus pe ndada laho mansoadahon haimbaron i, manang manghungkupi nasa parasingan ni sibasabasa na adong di ganup ruas. Alai, andul sian i, naeng dohononna paboa ulaon ni Tondi Parbadia do parasingan i. Hasadaon ni huria, ndang asa gabe holan samassam “sibasabasa” i, alai asa gabe hagogoon do parasingan ni ganup talenta, laho pahinsathon haporseaon ni ruas, jala patoguhon parsaoran. Ayat 12-13. Dalan pamurahon pangantusion ni ruas na di Korint aringot tu parasingan ni sibasabasa, dihatahon ma umpamana, i ma daging ni jolma. Marragam do ruas di daging i, adong do i simanjojak, siubeon, simalolong, sipareon dna, alai hasadaon ni angka ruas ni daging i do manjadihon daging na sasada i. Ndang adong ruas ni daging i na mandok “ahu do na ummangat”, alai rap ringkot do sude di hasadaon ni pamatang i.Songon i do nang ganup ruas ni huria na marimbar be sibasabasa naung jinalona, ndang dohononna be “ahu do na ummangat”. Alai, di hasadaon ni ruas na marimbar talenta i do hagogoonna, na songon pamatang ni Kristus, jala Kristus ma na gabe ulu ni pamatang/huria i. Ala ni i, ndang na manghobasi dirinta hita di huria i, alai na manghobasi pamatang ni Kristus do. Tondi na sasada i do naung dipandidihon (“diusehon”) tu ganup jolma nang pe marimbar haroroanna (latar-belakang), termasuk ma i Jahudi, Junani, anak mata, anak hatoban, nang hita halak batak pe, angka na porsea di Jesus Kristus.

Panimpuli

Dipaandar turpuk on ma ojakan na tangkas tu angka huria na marimbar di parhataan, adat, inganan dna, paboa sada do ojakanna i ma Tondi Parbadia. Songon ni muse di tonga ni huria marsada-sada, nang pe marragam angka “talenta” ni ruas ni huria, jala marragam nang angka sihobasan, alai sada do nang ojakanna i ma Tondi Parbadia na sasadasa i. Ala ni i, parasingan ni ganup sibasa-basa ni ruas di panghobasion ni huria, ndang gabe hahurangan manang hasurungan i. Alai gabe “tanggung-jawab” tu Tuhan i do i. Marhite sibasabasa naung tajalo i ma hita manghobasi, padimun-dimun huria jala pahinsathon ngolu partondion ni ganup ruas nang na sahuria i. Dihaporluhon ma haserepon ni roha, molo tung adong be di ibana sibasabasa i. Ai holan na manghobasi kristus do hita disi marhite sibasabasa i. Amen.

Pdt. W. M. Hutapea – HKBP Langga payung

Bacaan Injil " Kisah seorang tuan yang memberi upah kepada para hambanya"
Perupamaan ini menarik. Sepintas ketika membaca perumpaan tersebut terbersit antipati atau tidak setuju dengan tindakan yang diambil tuan tanah ini. Dia memberi upah yang sama kepada para pekerja meskipun jumlah waktu kerjanya berbeda satu dengan yang lainnya. Masakan yang baru bekerja satu jam mendapatkan upah yang sama - satu dinar - dengan mereka yang sudah bekerja belasan jam? Akan tetapi, ketika mengikuti dan mencermati dengan baik maksud perumpamaan ini, kita akan berdecak kagum. Yesus tidak bicara soal apa yang adil menurut pandangan kita. Yah.., kita bisa bicara soal macam-macam keadilan. Dalam konteks perumpamaan ini, antipati kita bisa didasarkan atas pandangan tentang keadilan komutatif. Para pekerja telah menukar tenaga mereka selama beberapa jam dengan uang satu dinar. Mestinya, berdasarkan jumlah kerja, upah setiap orang dengan jumlah jam kerja yang berbeda, harus berbeda pula. Tetapi, jika diperhatikan dengan baik, sejak awal memang sudah ada kesepakatan antara si tuan dan para pekerja bahwa mereka bersedia dibayar satu dinar sehari. Dalam hal ini, tidak ada alasan juga mempersalahkan si tuan.Yesus sebenarnya mau bicara tentang arti keselamatan. Keselamatan itu bukan bergantung pada siapa yang lebih dahulu ditentukan untuk diselamatkan atau siapa yang lebih kemudian; tidak bergantung pada siapa yang paling baik dan paling benar;siapa yang paling suci dan paling berdosa; agama atau sukunya apa. Bukan! Keselamatan itu adalah anugerah yang sama dan khas untuk semua. Maka, tidak pada tempatnya jika meributkan siapa yang paling layak masuk surga atau tidak seperti beberapa teman kita di tanah air yang begitu percaya bahwa agama lain itu kafir dan buruk.Kisah ini juga berisi kritik tajam untuk kecenderungan kita yang terlalu banyak menghabiskan energi kita dengan membanding-bandingkan kelebihan yang satu dengan yang lain daripada mensyuri dan mengembangkan anugerah Allah dalam diri kita. Banyak orang yang tidak bahagia karena meratapi kekurangannya dan pada saat yang sama merindukan keadaan/status orang lain dan lupa bahwa ia memiliki kemampuan lain yang khas dan berguna.
Maka injil hari ini mengajak kita untuk merenungkan sejauh mana kita sudah secara maksimal mengembangkan kemampuan-kemampuan kita? Apakah juga kita masuk hitungan orang-orang yang suka membanding-bandingkan, yang akhirnya tidak pernah menerima diri sendiri?Semoga anda makin menjadi pribadi yang percaya diri, mensyukuri dan mengembangkan seluruh hidup anda bagi kerajaan Allah.