1 Johannes 2 : 21 - 28

1 JOHANNES  2 : 21 – 28

MIAN DI BAGASAN JESUS

2:21    Hubahen pe surat tu hamu, ndada ala so diboto hamu hasintongan i, ala naung diboto hamu i tahe, jala ndang sian hasintongan nasa gabus.

2:22    Ise do sipargabus i, ia so na mansoadahon, na mandok: Ndang Kristus i Jesus? I ma Antikristus, na mansoadahon Ama i dohot Anak i.

2:23    Ganup na mansoadahon Anak i, ndang di ibana nang Ama i. Halak na marhatopothon Anak i, di ibana do nang Ama i.

2:24    Mian ma di bagasan hamu na binegemuna sian mulana i! Molo mian di bagasan hamu na binegemuna sian mulana i, mian ma nang hamu di bagasan Anak i dohot di bagasan Ama i.

2:25    Jala anggo bagabaga na pinarbagabaga na i tu hita, i ma ngolu na salelenglelengna i.

2:26    Angka i do husurat tu hamu taringot tu angka na mangaliluhon hamu.

2:27    Na mian do di bagasan hamu pamiahion, naung jinalomuna sian Ibana; ndang pola hamu ajaran ni halak. Sintong do na niajarhon ni pamiahion i saluhutna tu hamu, ndang adong gabus disi. Mian ma hamu di bagasan Ibana, songon naung niajarhon tu hamu!

2:28    Nuaeng pe, angka anaha, mian ma hamu di bagasan Ibana, asa marhiras ni roha hita, di na gabe patar Ibana, unang tarila hita maradophon Ibana di harorona i.

Hea do adong songon on na masa:

Di sada tingki, mardalanani sahalak pandita/parjamita tumopot bagas ni ruasna. Diboto parjamita on do sasintongna natinopotna on ruasna. Dibongoti ma alaman ni jabu i. Alai martabuni do parjabu i jala mabiar. Dituktuki ma pintuna. Alai leleng dipaima parjamita i, ndang adong alus sian bagasan. Ujungna mulak ma parjamita on sian i, alai ditadingkon ma samponggol harotas na marisihon hata ni bible i. Dipamasuk ma sian toru ni pintu ni parjabu i. Dilehon parjamita i ma ayat na tarsurat di “Wahyu 3 : 20  Lihat, Aku berdiri di muka pintu dan mengetok; jikalau ada orang yang mendengar suara-Ku dan membukakan pintu, Aku akan masuk mendapatkannya dan Aku makan bersama-sama dengan dia, dan ia bersama-sama dengan Aku”. Dung i pe mulak ma parjamita i.

Ro ma alus ni parjabu i muse saminggu nari. Nunga dibereng ibana naeng ro ma parjamita i muse, alai sai tutup do jabuna. Hira2 naeng sahat ma parjamita i tu alaman ni jabu i, dipahaluar ibana ma sada harotas na marsurat, jala sian toru ni pintuna i muse dipaharuar ibana. Sahat ma parjamita on di jolo n pintu i. Dituktuk ibana ma, alai sai tong ndang adong alus sian bagasan. Alai tarbereng ni parjamita on ma di toru ni simanjojakna adong sada surat, na marisihon songon on: “Amang, na ro i hamu minggu na salpu, ndang hubungka pintu. Sai marpamuati ma roham di ahu, ninna ibana. Sai marpingkiri ma parjamita on. Dietong rohana boasa pola didok ingkon marpamuati rohangku? Alai tarbereng ni ibana ma muse di surat i sada ayat alkitab. Disurathon disi Kejadian 3 : 10  "Ketika aku mendengar, bahwa Engkau ada dalam taman ini, aku menjadi takut, karena aku telanjang; sebab itu aku bersembunyi. Huria ni Tuhanta. Sasintongna, gok do na taodopi songon i. Sai ditopot Debata do hita alai ndang olo hita mangungkap pintu ni rohanta, ala beha? Ala marsaemara do haporseaonta dibahen angka dosa i, ndang mangolu haporseaonta. Nang pe tardok hita halak kristen, alai hurang do hita “mangargahon” / menghargai ugamonta. Hurang do hita mangargahon angka “Hari Besar Umat Kristen”. Manang hurang do hita mangargahon huria. Gabe hita do na manegai ugamonta sandiri. Aut ma nian taargahon panghongkop ni Kristus, ndang hasiatan be gareja on.

Nunga masa i di turpuk on, ala adong jolma na so porsea di Kristus, jala sai holan na paroa-roahon. Didok na deba songon on: Ndang toho Jesus i Kristus, ndang toho Jesus i Debata. Ai Jesus jolma do i, hape Debata i ma na badia. Ndang mungkin boi mardomu Debata na badia dohot jolma na ramun, ai pardosa do jolma. Sai songon i ma dipandok na deba gabe gok ma na marbalik sian haporseaonna. Molo Debata do Ibana, boasa oloanNa diparsipal sahat tu na mate di hau pinarsilang? Molo Debata do Ibana, boasa ro Ibana di bagasan hapogoson? Molo Debata do Ibana, boasa diloas masa angka ragam ni haporsukon? DNA. Sungkun2 angka si songon i pe boi do mangalitoki haporseaonta.

Dialusi si Johannes ma di turpuk on: Jesus do hapataran ni Debata di tano on. Ndang adong na boi marnida langsung Debata. Jala ndang boi jolma pajumpang paadop-adop dohot Debata. Ala nii ma, ingkon ro ma Ibana di bagasan sada jolma, manolukhon rupa ni hatoban, gabe suman tu jolma (Pilippi 2 : 7+8). Ai naung gok do dosa ni jolma on, ndang diboto be manirang siamun dohot hambirang. Naeng dohonon ni si Johannes: Ia Jesus i ma Debata sandiri. Aha buktina Jesus do hataridaan ni Debata? Naparjolo, Mateus 1 : 18 mandok gabegabean ma si Maria sian Tondi Parbadia. Marhuaso Ibana pamalum sahit, marhuaso Ibana patupa angka halongangan, marhuaso Ibana pabalihon angka sibolis, marhuaso Ibana pangoluhon naung mate, jala na ummarga i ma marhuaso Ibana manaluhon hamateanNa jala hehe sian na mate asa porsea sude jolma paboa Ibana do parhiteanta tu Jahowa.

Songon jolma Ibana naung manolukhon rupa ni hatoban, i ma: Male do ibana, muas, tangis, modom/loja, jala diloas Ibana dirina diparsipal, songon bukti rade ibana manggantihon asa unang hita diparsipal. Asa unang hita diparsilangkon. Boasa ingkon gabe jolma Ibana?

Huria ni Tuhanta. Dung mardosa jolma i, gabe sirang ma jolma sian Debata. Gabe mate ma jolma (ai upa tinuhor ni dosa do hamatean,Rom6,23). Asa boi mulak jolma i sumuang muse tu Debata, ingkon adong ma “parhiteanna” / penghubung, i ma Debata na gabe jolma di bagasan Jesus. Ala nii do umbahen na ro Ibana sorang tu portibi on di Betlehem laos mate di Golgota. Ingkon lehononNa ma hosanna, ai hosa do na mago hatiha madabu jolma i tu dosa. Kita sudah kehilangan hidup ketika manusia jatuh ke dalam dosa. Hidup kita sudah tergadai ke dalam dosa dan iblis, makanya Yesus datang untuk menebusnya dengan nyawaNya.

Sahali nari, tatiop  ma i gomos. Tidak ada penebus yang berani berkata “Akulah jalan, kebenaran dan hidup, tidak ada yang sampai kepada Bapa kalau tidak melalui Aku.” / Ahu do dalan, hasintongan dohot hangoluan. Ndang adong na sahat tu Ama i, anggo so marhite sian Ahu. Beha? Laho dope hita tu parugamo na asing? Sebab tidak ada yang sanggup membuat pernyataan seperti itu kecuali Yesus Kristus. Haleluya.

Alai gok dope jolma na so mangargahon pambahenan ni Jesus di ngoluna. Ala nii do umbahen na losok rohanta mandapothon Ibana. Nunga terlalu “asik” hita di portibi on. Hape termasuk do i bagian ni na mansoadahon Kristus. Molo nisoadahon Kristus, didok do i sipargabus. Molo dung songon i burju ni Jesus tu hita, nda sangkambona dope hita dohot Ibana? Nda mian dope hita di bagasan Ibana? (ay. 24). Johannes 15:5 mandok: “Ahu do hau anggur i, hamu do ranting i. Na mian di bagasan Ahu jala Ahu di bagasan ibana, i ma na marparbuehon godang; ai ndang tarula hamu agia aha, anggo so mardongan Ahu”.

Ingkon na mian do di bagasan Kristus as tuk ibana marparbuehon na godang. I do hataridaan ni naung tang haporseaonna. Ndang mura dipalindak-lindak angka na masa on. Termasuk tu angka natoras na mamboan daldanakna tardidi dohot tu angka na mangkatindangkon haporseaon. Lapati hamu jo antong, goarna ma “MANGKATINDANGKON HAPORSEAON”. Baju na bontar sude songon hataridaan ni na badia, nang pe adong sian amu na birong galoton, ala gabe bontar do sude. I do antong. Unang gabe mulak dakdanak be haporseaon. Lam tamba umur, lam tang ma haporseaon. Lam tamba umur, pintor mangoli ma, ate?

Jangang pernah meragukan Yesus adalah Tuhan, Yesus adalah Kristus, Yesus adalah Penyelamat. Walaupun Dia tidak bisa kita lihat dgn mata, disitulah letak iman yang harus bekerja. Haporseaonmi do paluahon ho. Asa malua ho, ro tu Ibana. Unang paula so taboto, molo jumpang ari Minggu sai pintor gok do ulaonta, ndang sanga tingki, karejo dope ahu, karejo do amanta, HOLAN NA MANGKAREJOI, ate?  Berikan waktu sesaat untuk Tuhan sebab Ia sudah menyelamatkanmu. Jala haporseai ma Ibana na tuk manarihon nasa na ringkot di ngolu. ( Ai ndang percuma didok Jesus di MATEUS 6 : 33 “Sai jumolo ma lulii hamu, harajaon ni Debata ( Diuduti angka natoras na mamboan na tardidi ma jo). PERSOALANNYA SEKARANG ADALAH kita tidak mau mencari kerajaan Allah. Hidup selalu di dalam keragu-raguan, hidup selalu di dalam ketakutan, hidup selalu di dalam kekawatiran, hidup selalu di bawah tekanan kebimbangan. 1 Petrus 5 : 7 mandok “Tinggakhon hamu ma…( Uduti Na Malua ma jo hata i )”.

Adong songon on na masa na marpaedomuan tu haporseaon.

Di sada tingki marpangkas ma sahalak ama. Mangkata-hatai ma amanta on dohot tukang pangkas i. Nunga godang dihatai nasida. Sahat ma taringot tu haporseaon. Ninna ma: ( TP: Tukang Pangkas                     A: Amanta i)

TP:  Ai aha do ugamo ni amang?

A:     Kristen do ahu, ninna mangalusi. Jala porsea do ahu di Jesus. Ia hamu, aha do ugamomuna?

TP:  Ndang adong, ndang porsea ahu di na marugamo on ai so adong Tuhan i. Ndang porsea ahu di Jesus. Molo adong do Tuhan, boasa loasonna masa angka hasusaan, boasa sai marsahit jolma on, boasa gok na marungkil, boasa gok na marporang.

A:     (Sai marpingkiri amanta on, ndang diboto be mangalusi, sahat tu na sidung marpangkas.) Ujungna haruar ma amanta on sian parpangkason i. Ndang diboto ibana alus aha do sibahenonna. Alai tompu ma dapotna alus, laos masuk ma muse ibana jala mangkatai. Ninna ibana ma:

        Ndang adong tukang pangkas di portibi on, ninna ibana

TP:  Boasa dohononmu songon i, ahu ma sada, jala nambura pe ho marpangkas.

A:     Ndang adong tukang pangkas di portibi on (Nada agak meninggi)

TP:  Ai naung boha do amanta on, ba sai so adong do nimmu. Nga hudok ahu tukang pangkas do, ba sai so adong do nimmu?

A:     Molo adong do tukang pangkas di portibi on, bereng ma jo nian na di luar an (huhut manudu tu sahalak jolma). Boas ma ganjang sitaruponna, ndang maraturan, sosundat nunga gok ra disi hutu, jorbut berengon. Ninna rupani

TP:  Ai kan sala ni ibana do i, boasa ndang ro ibana tu tukang pangkas?

A:     Tingkos ma i. Songon i ma nang Jesus, Nang pe sipalua Ibana naung ro tu portibi on, alai torop do jolma na so olo ro tu Ibana. Torop do jolma na manulak Ibana, torop do jolma na naeng mansodahon Ibana. Ala ni i do umbahen na sai gok dope angka parmusuon di tano on. Marmusu hita dompak rohanta sandiri, ala ni i do umbahen na losok hita pajumpang dohot Jesus, ai so ro hita tu Ibana.

       

Matius  11:28 Ro ma hamu tu Ahu, hamu angka na loja jala na sorat, asa hupasonang hamu!. Marilah kepadaku…..

Ro do hita tu Ibana? Tadapothon do Ibana? Hape nunga loja hita binahen ni portibi on, nunga sorat hita, laos so marna olo hita mandapothon Ibana. Hape di lambungta do Ibana, paula so taboto, paula so tabege, paula so taanturehon. Nunga leleng Ibana paimahon ho, MULAK MA TU DEBATA.  Amen.