1 Korint 13 : 1 - 13

1 KORINT  13 : 1 – 13

13:1    Tung sura huhatahon angka parhataan ni jolma nang surusuruan pe, anggo so parholong ni roha ahu, naung songon hangsa do ahu na mangkulingkuling jala songon ogung na maruolol.

13:2    Jala tung sura panurirangon di ahu, gabe huboto hasimoon sasudena ro di sandok parbinotoan, jala tung sura parhaporseaon situtu ahu, pola tarpaunsat ahu dolok, doshon na soada ma ahu, anggo so parholong ni roha ahu.

13:3    Jala tung sura hubasabasahon saluhut artangku jala hupasahat dagingku, asa ditutung, tung na so marguna i di ahu, anggo so parholong ni roha ahu.

13:4   Na lambas do haholongon i jala na sorta, ndang na mangiburu haholongon i, ndang tenga jala ndang dipaburnangburnang dirina.

13:5      Maradat situtu do haholongon i, ndang na ahut, ndang olo pangarimason, ndang dipajujurjujur na jahat.

13:6      Ndang las rohana mida hageduhon; alai tongtong do dihalashon hasintongan i.

13:7      Saluhut do ditanom rohana, saluhut do dihaporseai, dihirimi jala ditaon.

13:8    Ndang na olo salpu haholongon i. Ia panurirangon pasohotonna do, mansadi do nang angka parhataan, parbinotoan pe mansohot do.

13:9     Mardebadeba do parbinotoanta, jala mardebadeba do panurirangonta.

13:10   Dung pe ro na sun denggan i, asa pasohotonna na mardebadeba i.

13:11  Saleleng dakdanak ahu, danak pangkataionku, danak parrohaonku danak pingkiranku; alai disi tang ahu, hubolongkon pangalaho na danak.

13:12  Anggo nuaeng, semo do parnidaanta songon sian sorminan; alai sogot adop bohi be ma. Mardebadeba do parbinotoanku anggo nuaeng dope; alai anggo disi, torus ma panandaonku, songon naung tinandana ahu.

13:13   Asa tolu do na hot: I ma haporseaon, pangkirimon dohot haholongon; alai haholongon do na umbalga i.

HAD...Mansai menarik do turpuk on manise hita borngin on. Parjolo sahali, aha ma na boi berengonta sian huria Korintus on?

Ia ruas ni Korint, i ma ruas na mansai metmet alai heterogen. Dipungka si Paulus ma huria Korint, alai ruas na marharoroan sian hasipele-beguon dohot na mangolu di angka ulaon haportibion (angka ulaon portibi, na so mangharingkothon etika dan moral). Jadi, mansai maol do nasida “longkang-malua” sian nasa hasomalon. Jala sipata gabe tarboan-boan do pangalaho i nang tu tonga ni huria.

Ala huria na baru mamungka do i, tontu otik dope parbinotoan nasida taringot tu Hata ni Debata. Dison do boi mura masa parbolatan/parsualan: “otik binoto, alai godang manghatai”. “Persoalan” di jemaat Korint adalah setiap orang dan kelompok menganggap dirinya yang PALING benar, pintar, kudus, dan menganggap yang lain bersalah. Jadi gabe “mardeba-deba” ma huria i (ay.10).

Jala pangantusion sisongon i pe boi do masa nang di tonga ni huria:

-          ahu do na tumingkos

-          ndang sadia dope na hinobasan ni i sian naung hupatupa,

-          ulloja do ahu di huria i sian ibana,

-          gumodang do hepengku naung husumbangkon tu huria i martimbangkon na asing i,

-          gumodang do talenta na hupasahat di huria i unang apala ibana,

-          ndang boi denggan huria i molo so disi ahu,

-          hulojongkon do torus manghalaputi huria i, dna.

Jala bangko ni jolma do sai patingkos dirina dan mati-matian membela kebenaran dirinya. Ise ma hita molo diparoa-roa na so patupa “reaksi”. Ala memang nanggo sada jolma ndang tolap singkop mangulahon holong. Si Paulus ndang hea mandok dirina tuk mangulahon holong agave. Holan Jesus do na tuk mangulahon holong agave. Alai sai marusaha do si Paulus mangajari jolma asa masihaholongan. Nang hita pe saluhut, “berusaha” dope mandungdung i.

Huria ni Tuhanta…

Sian dia ma boi antusanta turpuk on?

Dipataridahon do tu hita (dua) contoh.

Naparjolo i ma: taringot tu dakdanak (ay. 11). Aha do na boi idaonta sian dakdanak. Jotjot do dakdanak sipanggaron kan? Boasa sipanggaron? Ala danak dope pangkataionna, danak pingkiranna, danak nang rohana. Ndang tuk dope ibana manjalo na umbidang sian na binotona.

(contoh: molo taajari dakdanak martamba-tamba holan olat ni sampulu, tung sura tompu tadok muse tamba-tamba sampulu sada, dohononna do “ndang adong sampulu sada”, holan nomor sampulu do adong). Alai dung tang ibana (dewasa), botoonna ma hape na adong do sampulu sada bahkan lobi sian i. Ala nunga tarbuha pingkiran, roha nang pangantusionna.

Napaduahon, i ma sorminan / cermin (ay. 12). Marasing do sorminan di tingki i sian sorminan sinuaeng on. Hatiha i sorminan dipatupa do i sian perunggu manang tembaga, na dikikis sampe marhillong. Jadi hurang tangkas do (semo) molo niida sian sorminan i, manang ndang singkop boi idaon sian sorminan i. Nuaeng on pe adong “kaca-cermin”.

Jadi sian na dua contoh i, aha ma na boi dapot hita? Bahwasanya tidak ada yang sempurna, bahkan memahami dan menjalankan kasih itu pun tidak ada orang yang sempurna. Hape, na masa nangkin di huria Korint, setiap orang dalam satu-satu kelompok sudah menganggap dirinya dan kelompoknya yang sempurna. Baik itu dalam nubuatan, bahasa, pengetahuan, kepercayaan dan juga kasih (ay. 8).

Angka dia ma i: ay. 4, ay 5, ay 6.

I ma pergumulan / hamaolon na jumpang di huria i hatiha i. Menganggap diri sudah memahami secara sempurna.

Menganggap diri sudah melayani secara sempurna.

Menganggap diri sudah berbuat secara sempurna. Dan juga menganggap diri telah menjalankan kasih secara sempurna.

Ala ni ido gabe sai tubu parbolatan. I do na pininsang ni si Paulus. Molo dietong hamu do naung tumingkos hamu, naung gok di hamu holong ni roha, hape tubu dope di hamu parbadaan, dos dope hamu songon dakdanak, nang pe naung tobang dagingmuna.

Dia ma hataridaan ni jolma naung singkop mangulahon holong i? Tajaha ma di ayat 7: Saluhut do ditanom rohana, saluhut do dihaporseai, dihirimi jala ditaon.

Diise ma singkop jumpang hita hata on? Holan di Jesus do.

Saluhut do ditanom roha-Na: ditanom Ibana do dosa nang hamatean i. Ndang holan tu piga-piga halak, alai tu SALUHUT.

Saluhut do dihaporseai: unang sala mangantusi hita paboa dihaporseai Jesus do saluhut. Lapatanna: saluhut / hibuldo rohana manghaporseai Debata, ndang mardua roha.

Dihirim: tidak ada keragu-raguan di Jesus bahwasanya pengharapan-Nya hibul do i tu Amana.

Ditaon: ndang adong na so ditaon Jesus, jala ndang hea mangalo Ibana. Baliksa, marpamuati do rohana, di na didok Ibana: Ale Amang, sai marpamuati ma rohaM di nasida, ai ndang diboto nasida na pinatupana i.

Nuaeng tabereng ma di ngolunta marsada-sada:

Nunga sude ditanom rohanta molo marsala donganta tu hita? Manang sai marsigorgor dope i?

Hibul do nuaeng haporseaonta?

Hibul do nuaeng panghirimonta?

Sude do nuaeng hita olo manaon molo dibahen halak tu hita na hansit?

Tajaha ma jo muse di ayat 2: Jala tung sura panurirangon di ahu, gabe huboto hasimoon sasudena ro di sandok parbinotoan, jala tung sura parhaporseaon situtu ahu, pola tarpaunsat ahu dolok, doshon na soada ma ahu, anggo so parholong ni roha ahu.

Memang, ringkot do adong haporseaon, ringkot do pangkirimon, ringkot do parbinotoan di parhataan jala ringkot do nang panurirangon. Alai tung sura sude i singkop di hita, molo so parholong do, doshon na soada do i. Ai na boi do jolma porsea jala manghirim, alai molo so tarida do i di ulaon holong ni roha, so marlapatan haporseaon dohot panghirimon i.

Na gabe sungkun-sungkun na jot-jot tadok, i ma:

Aha do huroha holong i di turpuk on. I do kan? Beha do mangulahon i?

Mulak ma hita muse “marsorminan” maniru pambahenan ni Jesus: Saluhut do ditanom roha-Na ala ni holongNa i, hibul dihaporseai Ibana AmaNa, hibul panghirimonNa tu AmaNa, jala rade Ibana manaon na porsuk. Hape na masa di huria Korint, suhar na i do, sai mangetong diri na tumingkos, gabe ndang jumpang be holong na polin i. Sai dietong halak i do: “perbedaan” kemampuan dan talenta adalah merupakan persaingan. Etongon do i ALO, molo asing sian iba. Musu do molo marimbar sian iba. Pada hal Yesus tidak pernah membeda-bedakan pelayanan kasih-Nya. Semuanya bisa datang kepada Yesus, tanpa terkecuali.

Ala ni i do, molo tajaha di bindu 12 mansai tangkas do dipatorang si Paulus: molo marimbar be pe hita, nda tung na gabe sihaginjangkonon i. Manang nda tung gabe masipadaoan. Dos do i songon ruas ni pamatang na marimbar-imbar on. Ai molo holan tangan do, ndang pamatang dohonon i. Ai molo holan pat do, ndang pamatang dohonon i. Bayangkon ma jo molo marserak daging on: disan sampat tanganna, disan uluna, disan simalolongna, (GABE JORBUT DO I).

I do nanidok ni apostel Paulus, asa sada hamu huria i. Ai nang pe adong be haporseaonmuna dohot pangkirimonmuna, ingkon na diihot ni holong ni ro do, asa singkop i sude. Untuk itu hendaknya setiap orang dalam melaksanakan pelayanannya, bercermin kepada Yesus sebagai kasih, agar ia dapat bertanggung-jawab sepenuhnya juga kepada Yesus, bukan kepada manusia.

Nang di hita pe na pungu on, dipaingothon ma tu hita:

Kalau saudara punya talenta, itu adalah talenta milik Yesus. Kalau saudara punya kemampuan, itu adalah kemampuan oleh karena Yesus sebagai kasih. Kalau saudara punya harta, itu adalah harta yang dianugerahkan Yesus sebagai kasih.

Ndang mago be Jesus molo songon i do na suan di rohanta be. Ai gabe mago do Jesus di huria Korint, ala ganup jolma mangetong dirina na paling “berjasa”. Sadia balga ma huroha jasanta i martimbangkon na pinatupa ni Jesus. Dan manusia tidak dapat berbuat apa-apa kalau bukan Yesus yang mengaruniakan.

Asa tolu do na hot: I ma haporseaon, pangkirimon dohot haholongon; alai haholongon do na umbalga i. Molo pe adong di hita haporeaon, adong nang di hita pangkirimon, alai ndang marlapatan i molo so adong di hita holong ni roha. Alai sabalikna molo ndung tahilala holong ni Jesus naung sahat tu hita, tubu ma haporseaon dohot pangkirimon na polin.