1 PETRUS 5 : 6 - 11

1 PETRUS 5 : (1) - 6 - 11

5:1 Hupaingot ma angka sintua na di tongatongamuna, ahu dongan sintua jala sitindangi di angka haporsuhon na tinaon ni Kristus, huhut partohap di hasangapon sipapataron sogot:

5:2   Parmahan i hamu ma punguan ni Debata na di hamu, unang songon na pinaksa, sian las ni roha ma mangihuthon Debata; unang ala ni pangomoan hailaon, sian ringkot ni roha ma!

5:3   Unang ma songon angka na mamaksa natorop; alai gabe tiruan ma hamu di angka na pinarmahan!

5:4   Molo i, jaloonmuna ma tumpal hasangapon na so ra malos i, ia dung gabe patar Parmahan na bolon i.

5:5   Laos songon i ma hamu, angka na umposo, unduk ma hamu di angka na tumunggane! Alai saluhutna ma hamu manolukkon haserepon sama hamu, ai dialo Debata do angka na ginjang roha, alai dilehon do asiasi tu angka na serep marroha.

5:6   Antong, patutoru hamu ma dirimuna tutoru ni tangan ni Debata na gogo i, asa dipatimbo hamu di tingkina i!

5:7   Tinggangkon hamu ma nasa na hinolsohon ni rohamuna tu Ibana, ai disarihon do hamu!

5:8   Torang ma rohamuna, dungo ma hamu; na maotaot do alomuna, sibolis i, songon babiat na marauang, mangalului sibondutonna.

5:9   Gomos ma hamu mangalo ibana marhitehite haporseaon; ingot hamu ma: Ndang tarbahen so songgop angka haporsuhon sisongon i, nang tu angka hahaanggimuna na di portibi on.

5:10 Alai anggo Debata, nampuna saluhut asi ni roha, naung manjou hamu tu hasangaponna na manongtong i di bagasan Kristus, pauliulionna, pahotonna jala patoguonna do hamu, dung jolo ditaon hamu satongkin haporsuhon i.

5:11 Di Ibana ma hagogoon ro di salelenglelengna! Amen

HAD…Jamita on sabotulna manjamothon “Etika Hidup” ni angka na porsea di Jesus Kristus. Sungkun-sungkun pamuhai, i ma: Jesus Anak ni Debata, na badia, na serep marroha, na gok patupa halongangan, na manghaholongi hita jolma pardosa. Di Ibana do hasangapon, hamoraon nang hagogoon. Uju diparsilangkon Ibana, uju manaon na hansit, uju manaon insak-insak dohot haleaon, MORU DO SANGAP NI JESUS? Daong.

Nang pe gok na di portibi on na mangaleai Jesus, ndang na moru sangapNa. I do “sorminan” di hita, i do gombaran pangalaho haserepon ni roha na ingkon sitiruonta jala ulahononta.

Pintor jumpang hita do di jamita on, dua pangalaho ni jolma na maralo. Antong, patutoru hamu ma dirimuna…dst. Molo adong hata “patutoru”, tontu alona i ma “patuginjang”. Na serep marroha, alona i ma na ginjang marroha. Si serep roha alona si ginjang roha.

Molo disungguli hita sada-sada: Tolap do hita “mengaku” na serep marroha hita be? Adong do na tuk mangalusi? Antong sada-sada ma jo: Martudu ma jo, ise ma hita di horong ni angka na serep marroha??? ADONG?

Antong tapahosing ma muse: Martudu ma muse, ise ma sian hita angka si ginjang roha? Angkat tangan tinggi-tinggi…………. MAOL ATE?

Antong di bagasan rohana ma jo dialusi: Dok ma jo goar ni sasahalak bagasan rohana be, ise ma na hea jumpangan jolma si ginjang roha? (Contoh: Nai Ogol, na ginjangan rohana, ai so olo hundul di lambungku, ninna rupani).

HAD…sasintongna, tolu horong ni jolma na tinembak ni jamita on:

Naparjolo: jaha hita ma di ayat 1: Hupaingot ma angka sintua (sude parhalado).

Napaduahon: ayat 5a: Laos songon i ma hamu, angka na umposo…..

Napatoluhon: ayat 5b: Alai saluhutna ma hamu manolukkon haserepon.

I ma ringkot ni ngolu haserepon ni roha. Ala so adong labana hape molo pinaginjang roha. Nang di Poda ni Raja Salomo 16:18, didok do: Matua ginjang ni roha do patujolo ni hajepolon, jala hatimboon diri patujolo ni hatinggangon. Jambar ni angka na ginjang roha i ma: hajepolon dohot hatinggangon (kehancuran dan kejatuhan).

Ida hita ma na masa di Jesus, ala serep do rohaNa, dipatutoru diriNa, pola mangadopi hamatean di hau pinarsilang, gabe dipatimbo Debata do Ibana (Pilippi 2:8-9). I do bagabaga tu hita angka na porsea, molo tatiru  haserepon ni roha ni Jesus, patimboon ni Debata ma di tingkina (ay. 6).

Lapatanna, ndang loasonNa angka jolma na hinongkopNa i marlea ala ni portibi on. Poda naparjolo na sahat tu hita, i ma: Asa mangolu di bagasan haserepon ni roha.

Poda napaduahon, i ma: Tinggangkon hamu ma nasa na hinolsohon ni rohamuna tu Ibana, ai disarihon do hamu! Tinggang lapatanna: ndang tolap be gogo laho hehe. Keadaan dimana tidak sanggup lagi berdiri, oleh beratnya beban hidup. Di “situasi” na gale i do jotjot ro sibolis. (Pat: Jesus na tarunjun ni sibolis 3 hali: male, stress, pogos).

Songon i do nang hita sude, molo dokdok sitaononna, boi do gabe gale haporseaon, ro ma sibolis mangela, asa unang tahaposi Debata. I do umbahen na digombarhon ma sibolis i songon BABIAT na manoro, laho bondutonna. Poda napaduahon on, i ma: So tung lemba hita, alai ingkon Torang  ma rohamuna, jala dungo  ma hamu. Tetaplah waspada, sebab iblis akan melancarkan serangannya. Dan siapa yang lengah, akan ditelan oleh kuasa iblis.

Poda na patoluhon, i ma: Gomos  ma di bagasan haporseaon (teguh dalam iman). Sura ndang gomos haporseaon ni Jesus mangadopi sibolis na mangunjuni i, nunga TALU be Jesus. Aha do alo ni gomos? ……… Hea do diida hamu (santabi) salawar na pellut? Beha ma marlojong molo nunga sanga pellut. JORBUT ma idaon. Ingkon gomos do hohos asa inang pellut.

Haporseaon pe, naeng do songon i. Gomos marsihohot tu Tuhan i, asa: molo ro angka ula-ula ni sibolis, sigop ma haporseaonta mangalo sumbiana.

Naparpudi: sungkun-sungkun nama: Boasa diloas Debata taononta ragam ni haporsukon?  Mulak-ulak do dohonon: tarsongon perak dohot sere do i na manaon na mohop asa jumpang sere na pita (emas murni). Tanpa dibakar, maka emas murni tidak akanada. Tanpa pergumulan, maka iman yang teguh juga tidak akan ada.

Ndang jumpang mas na pita, molo so na ditutung. Ndang jumpang haporseaon na togu, molo so mangadopi parungkilon. Ai marhite i do tarida: olat ni dia do haporseaonta be. Dung i, asa unang ginjang rohanta.

Alai na rumingkot naeng botoonta: molo togu jala gomos haporseaonta tu Tuhan Jesus, pauliulion, pahoton jala patoguon ni Debata do hamu. Tuhan pasti akan memberikan kekuatan dan keteguhan. Ai di Debata do hagogok ni asi ni roha.