1 PETRUS 3 : 8 - 12

1      PETRUS  3 : 8 – 12

SAROHA DI BAGASAN TUHAN I

3:8     Angkup ni i, saroha ma hamu saluhutna, sapangkilaan, angka na marholong ni roha di dongan, na marasi ni roha, na serep!

3:9   Unang ma baloshon hamu na jat alo ni na jat, panginsahion alo ni panginsahion; lam mamasumasu ma hamu, ai naeng teanonmuna do pasupasu, umbahen na tarjou hamu.

3:10   Ai na holong roha di hosana jala na giot marnida ari na sonang, dipasohot ma dilana sian na roa, nang bibirna, asa unang dihatahon ansiansi.

3:11   Dipasiding ma hajahaton diulahon ma na denggan; dilului ma dame, i ma dieahi!s

3:12   Ai tu angka parroha na tigor do mata ni Tuhan; jala tu angka pangidoannasida do pinggolna; alai bohi ni Tuhan i do alo ni angka sibahen na jat!

Huria ni Tuhanta...

Mansai ringkot do di ngolunta on, ngolu na marhasadaon, tarlumobi hasadaon di huria. Ala ni i do umbahen na sai tapungka angka punguan2. Punguan parsahutaon, punguan parmargaon niihot ni parmudaron, STM, songon i nang punguan koor di huria.

Sungkun-sungkun nuaeng di hita, tu aha do lapatan ni angka punguan i? Na deba sian hita on ra, nunga pintor boi mangalusi i di rohana, “asa sada / marsada”. Ai nang di umpasa ni hita batak pe didok do “rim ni tahi do gogona / rim ni tahi do rantosna”.

Di 1 Korint 12:27 Alai daging ni Kristus do hamu (huria), jala ruas hamu sama hamu. Kristus ma ulu ni huria i, jala huria ma hataridaan ni pamatangNa. (Kristus adalah kepala, dan kita sebagai persekutuan gereja adalah gambaran tubuh-Nya). Asa denggan mardalan pamatang i (daging i), ingkon “marsada” do. Nuaeng, taparrohahon ma jo dagingta on, “molo sada tanganta di bariba an, na sada nari di bariba an, dung i sada simanjojakta di bariba an, na sada nari muse di bariba an habir-habir, beha do jadina? JORBUT do kan? Tung pajaithon baju pe nga par maol, ate? I ma hinaarga ni lapatan ni hasadaon.

Nuaeng, di tonga ni huria pe naeng do jumpang nang hasadaon. Ndang holan hasadaon di parhundulon. Ai boi do rap hundul di bagas joro, alai ndang masipangkulingan. Haruada masihosoman.Alai hasadaon i naeng tarida songon na di turpuk on:

“saroha” ma saluhutna (huria). Seia sekata – hidup dalam keharmonisan. Ndang na mandok asa dos sude songon dinas ni angka punguan koor. (Sarupa bajuna, sarupa salendangna, sarupa jasna, sarupa sipatuna, sarupa ginsuna, ndang na ingkon songon i). Ai boi do baju SARAGAM, alai roha MARRAGAM.

Asa mura antusanta, boi ma hita marsiajar sian “orkestra”. Bahat do dison alat-alat musik pola sahat tu ratusan alat musik, marimbar pamangkena, marimbar muse suarana, jala marimbar do nang logu siihuthononna. Alai nang pe marimbar be, boi do haruar angka ende na mansai uli, jala tabo begeon. Ala ni aha do i? Ala adong “harmonisasi”/ keharmonisan / harmonis.

Molo adong na sai pajolo-jolohon, didok ma i di hita batak songon aha: songon “monis”. Monis ma na ro, ndang harmonis be.Naeng jumpang muse nian di tonga ni huria na songon pamatang ni Kristus, i ma hasadaon / saroha. Nang pe marimbar hita, marimbar pangalaho, marimbar be ulaoanta, marimbar singkolanta, marimbar cara berpikir, alai disi do naeng tarida harmoni ni na marhuria.Mari kita ambil peran masing-masing sesuai dengan porsinya, mari kita ambil bagian untuk kemuliaan Tuhan. Jangan hanya sebagai penonton (batak: mainondur).

Nang di tonga ni koor pe, sitiop loguna be ma. Molo suara sada, hot ma di suara sada, molo suara bas, not ni suara bas ma diihuthon. Molo dirigent, bertindaklah sebagai dirigent. Molo anggota, gabe anggota ma, unang gabe sude dirigent. Molo ama, hot ma gabe ama, unang gabe ina. Songon i nang ina, hot ma gabe soripada, unang gabe ama.

Na mangudut muse naeng jumpang di tonga ni huria na sapanghilalaan / manghilala.CARE – perduli. Molo so jumpang be na sapanghilalaan, aha ma na masa? MASILALAAN.Lok ma mate ho disi, so adong pangomoan sian i.(Tidak ada ruginya bagi saya kalau tidak bersahabat dengan dia, (atau) tidak ada untungnya bagi saya kalau kenal dengan dia). Hape 1 Korint 12:26, mandok “Ia mangae sada ruas, rap mangae ma saluhut ruas i; jala ia sangap dibahen sada ruas, rap marlas ni roha ma saluhut ruas i”.Sapangkilalaan. Marlas ni roha ma hamu rap dohot angka na marlas ni roha, jala tangis ma hamu rap dohot angka na tangis. I do dipatupa Jesus hatiha mandohoti pesta di Huta Kana (rap marlas ni roha dohot na marlas ni roha), jala madetuk do rohana dung diboto naung mate si Lasarus (tangis ma hamu rap dohot angka na tangis).

Na deba didok, marholong dohot marasi ni roha, huhut serep. Dua minggu na salpu nunga bagas hita mangantusi holong ni roha. Boasa ingkon holong rohanta di donganta jolma, ala naung jumolo do dihaholongi Jesus hita angka pardosa on. Ala ni i ma naeng pataridahononton ma holong i di bagasan ngolu siganup ari. Angka naung manghilalahon holong dohot asi ni roha ni Debata di ngoluna, angka i do na tuk muse marasi ni roha, jala sadalan do i tu na serep marroha. (Songon dia ma serep..............)

Huria ni Tuhanta...ndang tarbahen so jumpangta angka hamaolon di ngolu on. Jala deba sian angka hamaolon i, i ma “ulaon na jat dohot panginsahion” (kejahatan dan caci maki). Maol do longkang on sian hita tarlumobi hita halak batak. (Unang ma dibahen tu ahu songon i bah, ise halakna, asa hutanda jo.....).

Memang di padan na robi (PL), adong do hata na mandok “mata abul ni mata”, “ipon abul ni ipon”(3 Mus 24:20), alai ro ma Jesus mandok, “molo dipastap hurummu parsiamun, tarehon ma parhambirang”.Na marlapatan do i: unang balos songon na binahenna i muse, ai molo dibalos ho do i muse, dos do ho songon ibana. Molo dipatupa donganmu hajahaton tu ho, unang be patupa hajahaton i tu ibana. Ai molo dipatupa ho do muse hajahaton i, rap parjahat do hamu nadua. Alai lam mamasu-masu ma, asa tenonmu pasu-pasu.

Hea do manghatai si Petrus dohot Jesus songon on: Mateus 18:21-22 “Dung i didok si Petrus ma mandok Ibana: Tuhan, sintap piga hali do sesaonku sala ni donganku na dompak ahu? Pola do pitu hali?18:22 Gabe didok Jesus ma tu ibana: Ndada pitu hali dohononku tu ho, tung sintap pitupulu hali pitu do (490hali-alai ndang bilanganna i na ummporlu......).>>> ( Salah satu kisah nyata yang sangat menyentuh hati adalah kisah perjuangan Martin Luther King Junior di Amerika tentang persamaan hak kulit putih dan kulit hitam-1963).

Na mangudut muse...dipasohot ma dilana sian na roa, nang bibirna, asa unang dihatahon ansiansi." Hata ni hita batak mandok “jolo nidilat bibir, asa nidok hata”. Na marlapatan do i asa marmanat mandok hata jala manjagahon pangabasna be. Molo so malo manjagahon pangabas dohot bibirna didok ma i “siganjang ____. Boi do sian pamangan on angka hata na denggan, laos boi do muse nang hata rorang, mengeluarkan gosip, fitnah, manghata-hatai donganna. Jala molo so manat dijagahon pangabasna, boi do on mambunu, tumajom sian podang. Sude do hita on naeng hirim rohana asa marsonang-sonang di ngoluna. Asa jumpang i, ...dipasohot ma dilana sian na roa, nang bibirna, asa unang dihatahon ansiansi." Tumagon ma petaho so marbibir.

Ala ni i ma, pinasiding ma hajahaton, diulahon ma na denggan jala dilului ma hadameon. Haru angka na denggan pe taulahon, sipata ro hajahaton, lam niulahon ma hajahaton, aha ma na ro? Alai pos ma roha, manang ise angka parroha na tigor, na sai mangeahi hadameon, tinggil do sipareon ni Tuhan i di angka sipangidoonna. Alai manang ise na mangulahon angka hajahaton, Tuhan i ma alona.