1 Johannes 5 : 9 - 13

1 JOHANNES 5 : 9 – 13

5:9   Ia panindangion sian jolma tajalo do; alai sumurung do panindangion na sian Debata, ai panindangion na sian Debata do on, na hinatindangkonna taringot tu Anakna i.

5:10  Na porsea di Anak ni Debata, ditiop do panindangion i. Na so porsea di Debata, i ma mambahen Ibana pargabus, ala so porsea ibana di na hinatindangkon ni Debata taringot tu Anakna i.

5:11 Jala on do panindangion i: Naung dibasabasahon Debata do tu hita hangoluan salelenglelengna, jala di bagasan Anakna do hangoluan i.

5:12 Ia di ibana Anak i, di ibana do hangoluan i; ia so di ibana Anak ni Debata, ndang di ibana hangoluan i.

5:13 Umbahen na husurat angka i tu hamu, angka na porsea di Goar ni Anak ni Debata: Naeng botoonmuna, naung di hamu do hangoluan na salelenglelengna.

Huria ni Tuhanta...

Angka naung porsea di panghongkopon ni Jesus, dipatudos ma i tarsongon tu naung martapian. Tontu angka naung martapian, ndang lomo be rohana muse dais tu angka na tardok kotor manang tu angka na bau. Biasa ndang lomo rohanta jonok manang dais tu angka na bau? Ala nunga ias hita hinorhon ni na martapian i.

Hira songon i do haiason ni angka na porsea di bagasan Jesus Kristus. Nunga dipaias be hita sian dosa. Nunga dipalua be hita sian hamatean na manongtong i. Marhite aha do dipaias Ibana angka si pardosa i? I ma marhite mudarNana durus di hau pinarsilang i.

Persoalanna nuaeng i ma: PORSEA do hita paboa naung diparbadiai Debata hita? Adakah kita merasakan kalau kita sudah dikuduskan? Tahilala do nuaeng paboa na dohot do hita diparbadiai? Dihilala hamu do habadiaon na pinatupa ni Jesus i? Disi do persoalan na ingkon sisulingkitonta?

Nian molo holan hagogon ni pingkiran di patupaonta, maol do hita mangantusi i. Asa boi antusanta dalan ni Debata, ingkon do di bagasana haporseaon. PORSEA di na pinatupa ni Jesus. I do dasor manang ojakan di hita.

Huria ni Tuhanta...

Sasintongna, mansai balga do pangkorhon ni hata PORSEA on di ngolunta. I do umbahen na disurathon Apostel Paulus di buku ni Heber lumobi di Heber 11:1, mandok “Alai anggo haporseaon i,pos ni rohado i di angka sihirimon, jala pamotoan na tontu taringot tu na so niida”. Dasarnya adalah IMAN.

Boi ma dohonon, songon na pajongjong sada bagas (gedung), ingkon jumolo do dipaojak “pondasi” na togu (kokoh, kuat, hot). Molo so adong pondasi, boi do mura maroprop bagas i ala so adong ojakanna (pondasi/dasarnya).

Memang mansai na maol do patorangkon hata “PORSEA” on di hata batak. Alai molo di hata Indonesia tarbagi dua ma terjemahan ni hata “porsea”, i ma: percaya & iman. Di hata Inggris pe tong do tarbagi dua, i ma: Trust dohot Believe.Hape marasing be do pangantusion manag lapatan ni na dua hata on (nang pe di hata batak gabe sada panurathonna, i ma haporseaon).

Molo hata “percaya” dohot hata “trust” ndang pola ringkot disi pangulahonon. Contoh: saya percaya kalau besok matahari akan bersinar kembali. Disitu kita tidak perlu memakai iman sebab besok pun matahari pasti bersinar. Tanpa usaha kita, matahari pasti bersinar besok (asing ma jo manang na holom-holom ala ni ombun). Disitu tidak perlu dibutuhkan IMAN sebab besok pasti matahari akan bersinar.

Tetapi jika kita tidak punya uang, namun ingin mempunyai gedung yang jutaan rupiah harganya…maka kita perlu iman. Iman menjadikan segala sesuatu yang tidak mungkin menjadi mungkin! Iman adalah permulaan, dasarnya! Tentu saja bukan iman yang ngawur atau dibuat-buat, tetapi iman yang bekerja. I do nang hata ni Jakobus 2:17 Haporseaon i pe songon i do: Anggo so adong pangulaonna, naung mate do hadirionna. Jadi iman itu harus bekerja dan yang menumbuhkannya adalah Tuhan, karena Dialah pemberi iman itu. Ibana do na patubuhon haporseaon i di bagas rohanta be.

Huria ni Tuhanta...

Adong ma hamaolon hatiha disurathon buku ni 1 Johannes on. Gok angka parpoda haliluon na manegai haporseaon ni halak Kristen taringot tu hadirion ni Jesus. Angka na holan mangasahon gogo ni utok-utok. Digoarai ma i hatiha i gerakan “Aliran Gnostik”. Dipandok ma songon on: Jolma do Jesus, jala ndang toho na Jesus do hataridaan ni Debata. Ndang mungkin olo Debata na Badia i ro tu portibi na gok DOSA on. Jadi ndang toho na Jesus do hangoluan.

Ala ni angka hata manang poda na songon i ma, gabe ganggu manang harhar ma haporseaon ni angka na deba. Adong ma na gabe “apatis” jala adong ma na gabe maninggalhon haporseaonna. I do na jinamothon ni Johannes marhite suratna on, laho mangalehon pos ni roha. Jala nunga dibonai ibana i hian tingki disurat ibana buku Evangelium Johannes i.

Asa boi diantusi jolma on hadirion ni Jesus, jala asa hot nang haporseaonta di Jesus, dibonai si Johannes ma hatana songon on:

Johannes 1 : 1 Di mulana i nunga adong Hata i, jala saor tu Debata do Hata i, jala Debata do Hata i.

Johannes 1:2 I ma na saor tu Debata di mulana i.

Johannes 1:3 Saluhutna i marhite sian Hata i do, umbahen na manjadi; jala ndang adong nanggo sada sian naung jadi i, na so marhite sian

Johannes 1:4 Di bagasan Hata i do hangoluan; laos hangoluan i do Panondang ni hajolmaon.

Johannes 1:5 Na marsinondang do Panondang i di bagasan na holom, alai ndang dijangkon na holom i.

Johannes 1:14 Gabe daging ma Hata i jala maringan di tongatonga ni hita on, jadi huida hami ma hasangaponna, i ma hasangapon ni Anak sasada na sian Ama i, gok asi ni roha dohot hasintongan.

Dung pe gabe daging Ibana, digorma Ibana Jesus. I do lapatan ni IMMANUEL: Debata mandongani hita. Debata di tonga-tonganta. Debata di bagasan Jesus ro mangebati jolma na di haholomon (ayat 5). Asa boi taida, asa boi hita pajumpang dohot Ibana. Asa boi diida simalolong ni jolma. Ro ma Ibana padidihon diriNa tu ado(jala i do nang hata ni Apostel Paulus tu huria Pilippi: 2:7 Dirumari do dirina jala disolukkon rupa ni hatoban, gabe suman tu jolma do Ibana jala rumang jolma dapot di Ibana.2:8 Dipatutoru do dirina; na gabe pangoloi do Ibana paima mate, pola tung mate tarsilang.

I do muse didok Jesus uju mangolu Ibana di portibi on, mandok: Ahu do dalan i dohot hasintongan dohot hangoluan. Ndang adong na sahat tu Ama i, ia so marhite sian Ahu (Joh 14:6).

Huria ni Tuhanta...Mulak ma hita tu hata ni angka parpoda haliluon nangkin na mandok “ndang mungkin Debata na BADIA i gabe jolma di bagasan Jesus”.

Disi do ro si Johannes laho mangalo angka poda na lipe i, mandok: Boasa ro Jesus tu portibi on? Ala holom do sude na di portibi on.

“Holom” gumodang do i martudu-tudu tu ragam ni pangalaho hajahaton dohot hadosaon. Ai dihorhon dosa i do hamatean (Rom 6:23 “Ai upa tinuhor ni dosa do hamatean”).

Jadi dos do hamatean tu haholomon. Secara sederhana, beha ma pangkorhonna molo torus holom portibi on, manang mate arus........ Boi do sungkot mardalan ujungna gabe tinggang, atau tidak ada kehidupan tanpa matahari/panondang.

I ma contoh sederhana na boi langsung itahilala. Gombaran songon i ma na pinatuduhon ni turpuk on, paboa ro do Jesus na gabe Panondang, mamboan hatiuron, manondangi ngolunta na di haholomon, asa tiur jala dapotan hangoluan hita (Joh. 8:12 >Dung i diulahi Jesus muse manjamitai nasida, ninna ma: Ahu do Panondang ni portibi on. Na so tupa mardalan di na holom na mangihuthon Ahu; di ibana do tahe Panondang hangoluan.

Jadi ro ma Ibana tu portibi on mamboan sondang dohot hangoluan, asa mangolu hita jala taboto marpangalaho na denggan. Ai jolma na di bagasan haholomon, dos do i songon na mapitung, jala jolma na sai di bagasan na holom, dos do i tu naung mate tondina.

On ma alus tu ayat 10 “Na porsea di Anak ni Debata, ditiop do panindangion i. Na so porsea di Debata, i ma mambahen Ibana pargabus, ala so porsea ibana di na hinatindangkon ni Debata taringot tu Anakna i”.